F-1.az xatırladır ki, amerikalılar bu il Renault-dan 29 xal geridə qalaraq, 5-ci olublar.
Günter Ştayner: “Mövsümü 4-cü yerdə bitirməmişiksə, öz günahımızdır. Amma hələ 3-cü mövsümümüz olduğunu unutmamalıyıq. Beşinci yer əladır. Müstəqil komandalar arasında liderik. Dördüncü ola bilərdik, amma deməklə olmur. Buna görə beşinciliyə sevinməliyik.
Bir səhvi bir dəfə etmək olar. Onda problemi olmaz. Əsas odur ki, o səhvi təkrarlamayasan. İlk səhv öyrənmək üçündür. Avstraliyadakl pit-stop fəlakəti buna misaldır. Daha sonra o cür problem yaşamadıq. Buna görə hər şey yaxşıdır. Doğru reaksiya verdik. Heç kimi günahlandırmadıq. Vəziyyəti düzəltməli idik və belə etdik. Daha sonra bu mövzuda daha da təkmilləşdik”.
