16 Dekabr 2017, Şənbə - 22:53

Haas Rusiyada yeni əyləclərdən istifadə edəcək

Haas Rusiyada yeni əyləclərdən istifadə edəcək

Müəllif: Rauf Hacıyev, redaktor

17:08 - 27 Aprel, 2017

Haas komandası Bəhreyndəki uğurlu testlərdən sonra Rusiya Qran Prisində Corbone İndustrie əyləclərindən istifadə edəcək.

F-1.az xatırladır ki, Haas komandası keçən ildən Brembo əyləclərindən istifadə edir və buna görə də yarışların əksəriyyətində əyləclə bağlı problemlər yaşayıblar. Amerikalılar bu problemi aradan qaldırmaq üçün Rusiyada Brembo əyləclərindən imtina edərək, Corbone İndustrie əyləclərinə keçəcəklər və birinci sərbəst yürüşlərdə yeni əyləcləri yoxlayacaqlar.

Günter Ştayner: “Hazırda hər cür alternativə açığıq. Birinci sərbəst yürüşlərdə işlərin necə getdiyinə baxacağıq və daha sonra digər sessiyalar üçün qərar verəcəyik. Ümid edirəm ki, onlarla davam edərik, çünki testlərdə vəziyyət çox yaxşı idi. Sürücülərimiz yeni əyləclərdən razı görünürdülər. Onların problem çıxarmasını istəmirik”.

Haas komandasının gənc sürücüsü Kevin Maqnussen də Corbone İndustrie əyləclərindən razıdır: “Bəhreyn testlərindəki əyləclərlə işləməyə davam edəcəyik və işlərin gedişatına baxacağıq. Fərqli şeylər sınamaq həmişə yaxşıdır. Yeni əyləclərin yaxşı olduğunu hiss etdik və onlarla davam edəcəyik. İstədiyimiz vaxt imtina edə bilərik”.


Son Xəbərlər

İnformasiya

Bölüm Xəbərlər
Mənbə
Baxış Sayı 5. 148
Teqlər , , , , , ,
Paylaş

logo