25 Sentyabr 2018, Çərşənbə axşamı - 21:05

Gülhüseyn Abdullayevdən qələbələr ardıcıllığı!

Gülhüseyn Abdullayevdən qələbələr ardıcıllığı!

Müəllif: Rəhim N.Əliyev, baş redaktor

11:17 - 12 Mart, 2018

Qardaş Türkiyədən xoş xəbər almışıq – avtoidmanda yeganə təmsilçimiz Gülhüseyn Abdullayev arxada qalan həftəsonu Tuzlada təşkil olunmuş mötəbər turnirin qalibi olub.

F-1.az bildirir ki, keçən il dünyasını dəyişmiş Berat Türkerin xatirəsinə həsr olunmuş turnirə ölkənin adlı-sanlı sürücüləri qatılıblar. Turnir Türkiyənin Avtoidman Federasiyası ilə birlikdə Tuzla Avtoidman Klubu tərəfindən təşkil olunub. Hazırda mövsümlərarası fasilədən tam faydalanmaq məqsədilə Gülhüseyn Abdullayev dostunun xatirəsinə həsr olunmuş türnirdə gücünü sınamaq qərarına gəlib.

DD2 kateqoriyasında (mexaniki ötürmələr qutulu kartlar) yarışda iki yarımfinal mərhələsi olub. Sıralanma turunda poula cəmi 0.002 saniyə uduzan həmyerlimiz hər iki yarımfinal yarışında qələbə qazanmaqla finala yüksəlib. Finalda isə pouldan start alan həmyerlimiz rəqiblərinə heç bir şans verməyib. Beləliklə, Gülhüseyn dostunun xatirəsini 3 qələbə ilə yad edib…

Gülhüseyn Abdullayev: “Hazırda Asiyada müxtəlif yarışlara qatılmaqla, fiziki  formamı təkmilləşdirirəm. Əbu Dabidə qazandığım qələbədən sonra ikinci vətənim Türkiyəyə gəlmək xoş oldu. Vaxtılə bir çox yarışlarda mübarizə apardığım dostum Beratın xatirəsinə ilk dəfə təşkil olunan turnirin ilkq alibi olmağı çox arzu edirdim. Hər 3 yarışda qalib gəlmək mənim üçün gözlənilməz oldu. Amma bir daha yaxşı formada olduğumu sübut etdim.

Hələ çempionatın startına çox var, ona görə də imkan daxilində belə yarışlara qatılıb maksimum nəticə göstərməyə çalışacam…”


Son Xəbərlər

İnformasiya

Bölüm Manşet
Mənbə
Baxış Sayı 2. 507
Teqlər
Paylaş

logo