Toni Fernandes qələbəni bayram edib: London Ali Məhkəməsinin qərarı ilə onun Formula1 komandası əvvəlki kimi Team Lotus adlana bilər. Amma əks tərəf Group Lotus da özünü məğlub saymır.
Bu gün hakim Castis Piter Smit “Lotus Lotus-a qarşı” məhkəmə işində son qərarı səsləndirib və Fernandesin fikrincə, məhkəmədə məhz o qalib gəlib…
Toni Fernandes: “Biz qalib gəldik. Mən göyün yeddinci qatındayam: Team Lotus bizimdir. Bizim şassi əvvəlki kimi Lotus adlanacaq. Heç kim bu adı şassiyə verə bilməz Biz Team Lotus adlana biləcək yeganə komandayıq.”
Beləliklə, Formula1-də oxşar adla iki komanda qalacaq – Lotus Renault GP və Team Lotus…
