12 Dekabr 2017, Çərşənbə axşamı - 03:05

Gələn il Halo olmayacaq

Gələn il Halo olmayacaq

Müəllif: Elçin Zodorov, redaktor

14:20 - 28 İyul, 2016

Bu qərar cümə axşamı günü Strateji İşçi Qrup və F1 Komissiyasının Cenevrədə keçirilən iclasında verilib.

F-1.az xatırladır ki, FİA ilk dəfə Ferrari tərəfindən mövsümöncəsi testlərdə nümayiş etdirilən, daha sonra isə AvstriyaBritaniya Qran Prilərində ikinci versiyası çıxarılan sürücünün başını qoruma sistemi olan Halonun gələn mövsüm istfadə edilə biləcəyini bildirmişdi. Ali idman qurumu sistemin üstünlüyünü göstərmək üçün Macarıstan Qran Prisində sürücülər üçün geniş təqdimat keçirmişdi. Belə bir təqdimat Cenevrədəki yığıncaqdan əvvəl bütün komandalar üçün də edilib. Lakin yığıncaqda Halonun 2017-ci ildə tətbiq edilməsinin əleyhinə çıxanların sayı daha çox olub.

Qeyd edək ki, Strateji İşçi Qrup ən yaxşı altı komanda, FİA prezidenti Jan Todt və Formula1-in kommersiya başçısı Berni Ekklstoundan ibarətdir. Deyilənlərə görə, yığıncaqda sistemin daha da təkmilləşdirilməli olduğu əsas gətirilib və buna görə növbəti il üçün imtina edilib.

Bir çox sürücü, hətta komanda rəsmiləri də Halo sistemini tənqid edirdi. Xüsusilə də AeroScreen adlı qoruma sistemini təklif edən Red Bull komandasının rəhbəri Kristian Horner bunu eybəcər həll yolu adlandırmışdı.

Sistemdən imtina barədə FİA tərəfindən hələ ki, rəsmi açıqlama gəlməyib.


Son Xəbərlər

İnformasiya

Bölüm Xəbərlər
Mənbə
Baxış Sayı 421
Teqlər , , , , ,
Paylaş

logo