Biz artıq yazmışdıq ki, yarış maliyyəçiləri yaxşı nailiyyətlər əldə ediblər və dünya çempionatına təşkilatçılıq edən şirkətin kredit borcunu yenidən strukturlaşdırıblar. Formula One Group ödənişlərin dörd il ləngiməsi üzrə razılıq qazanıb. Ona görə də çempionatın rəsmi saytında qısa, amma tutumlu bəyanat yerləşdirilib…
Bəyanatda deyilir: “Formula One Group özünün maliyyə öhdəliklərinin ödənilməsi mexanizminə start verib. Bu prosesə 2017-18-ci illərdə ödənilməsi şərtilə 2.27 milyard dollar yeni sərmayənin cəlb edilməsi daxildir, bu sərmayə 2013-14-cü illərdə ödənilməsi nəzərdə tutulan 2.92 milyard dollarlıq krediti əvəz edəcək. Yeni vəsaitlər uzunmüddətli perspektivdə biznes strukturun stabilliyini təmin edəcək.
Prosedurlar Formula One Group çərçivəsində ümumi korporativ məqsədlərlə həyata keçiriləcək və hazırda şirkətin divident ödəmək planı yoxdur.”
