Force İndia komandası mövsümöncəsi testlərin Valensiyada birinci sessiyasını keçənilki maşınla keçirəcək. Yeni şassi isə növbəti testlərdə – Xeresdə debüt edəcək…
Otmar Safnauer: “Biz yeni VJM004 şassinin üzərində iş qrafikimizə tam əməl edirik. Komanda mövsümöncəsi testlərin bütün sessiyalaraında iştirak edəcək, amma birinci sessiyada – Valensiyada biz keçənilki maşından istifadə edəcəyik. Yeni şassi isə bir həftə sonra Xeresdə debüt edəcək – bu müddət ərzində biz aerodinamik boruda işimizi davam edəcəyik.
Həmişə kompromisə getməli oluruq – yeni maşını tezliklə trasa çıxarmaq yoxsa aerodinamika şöbəsindən daha çox məlumat almaq. Biz hesab edirik ki, ən optimal qərarı qəbul etmişik.”
Xatırladaq ki, Force İndia komandası heç bir sürücüsünün adını açıqlamayıb…
