FİA oktyabrda Halo-nun istehsalçısını elan edəcək

Gələn ildən komandalar bütün maşınlara sürücünün başını müdafiə edən Halo sistemini quraşdırmalıdırlar.

F-1.az xatırladır ki, FİA-nın qərarına əsasən, Halo sistemini kənar istehsalçı hazırlamalıdır – Auto Motor und Sport-un əldə etdiyi məlumata görə, 3 şirkət FİA-nın tenderində iştirak edib və gələn ayın ilk günlərində federasiya hər 3 istehsalçının sistemini təhlükəsizlik normaları baxımından sınayacaq. Testlərin nəticəsinə görə yekun istehsalçı müəyyən olunacaq.

Məlumdur ki, namizədlər arasında İtaliyanın Breda şirkətinin adı çəkilir – bu şirkət yarış avtomobilləri üçün aksessuarlar istehsalında ixtisaslaşıb. Digər namizəd isə Almaniyanın CP Autosport şirkətidir – bu şirkət isə yarış maşınları üçün, eləcə də aviasiya və kosmik sənaye üçün möhkəm materialların hazırlanması ilə məşğuldur. Üçüncü namizədin adı məlum deyil.

İstehsalçının seçimi zamanı əsas faktorlardan biri də Halo-nun yekun dəyəri olacaq. Komandaların bildirdiyinə görə, sistemin dəyəri 13 min avro ilə 24 min avro arasında dəyişir. Force İndia komandasından Əndi Qrin bu rəqəmləri gülməli sayır: “Bu çox bahadır, biz sistemi yalnız yarışlar üçün deyil, həm də testlər üçün, xüsusən də FİA-nın məcburi çarpma testləri üçün də sifariş verməliyik”.

Haas komandasının başçısı Günter Ştaynerin fikrincə, hər bir komandaya mövsümün gedişində ən azı 5 Halo lazım olacaq: “Hətta sistemin qiyməti 13 min avro olarsa belə, cəmi 10 kq titan üçün çox bahadır…”

, , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*