Hələlik Mixael Şumaherin Ferrari ilə gələn il üçün müqaviləsini uzatması barədə heç bir məlumat yoxdur. Hazırda yeddiqat dünya çempionu komandada məsləhətçi vəzifəsini yerinə yetirir, hərdən bir yarışlarda Skuderiyanın komanda pultunda görünür və buna görə 5 milyon Avro alır…
Villi Veber: “Hələlik heç bir xəbər yoxdur. Yayın sonunda biz danışıqlara başlayacayıq. Amma sözsüz ki, Mixaelin Ferrari-siz də işi başından aşır.”
Yəqin Mixaelin meneceri alman sürücünün bir neçə tanınmış firmalarla reklam müqavilələrinə nəzərdə tutur, xüsusən də Shell, Omega və Bacardi. Bundan başqa Mixael FİA-nın və UNESCO-nun səfirləri kimi müxtəlif beynəlxalq tədbirlərdə çıxış edir.
Almaniyanın Bild am Sonntag qəzetinin yazdığına görə, Ferrari Mixaellə müqavilənin uzadılmasını məqsədəuyğun saymır…
