Hər il olduğu kimi qış tətili ərəfəsində Ferrari-nin Maranellodakı bazasında şirkətin və komandanın əməkdaşları öz uşaqları ilə birlikdə Milad bayramını qeyd ediblər.
Bayram genişmiqyaslı olub, Fyoranodakı avtodromun xüsusi sahəsində dəvət olunmuş aktyorların iştirakı ilə teatr tamaşası göstərilib, tamaşaçılar sayı 1200-dən çox olub.
Uşaqlar sürücülərdən hədiyyələr alıblar, Ferrari-nin prezidenti Luka di Montedzemolo və komandanın başçısı Stefano Domenikali toplaşanlara xeyriyyə marafonu barədə məlumat veriblər, toplanan vəsait isə bəzi uşaq xəstəliklərinin araşdırılması fonduna köçürüləcək.