Fernando Alonso cümə axşamı proqramını yarımçıq kəsib və otelə qayıdıb, çünki tibb işçiləri ispan sürücüdə qulaq infeksiyası müəyyən ediblər. Britaniyanın Autosport qəzeti bildirib ki, bu problem sürücüdə Avstraliya yarışından sonra əmələ gəlib. O bu günə planlaşdırılmış komandanın işçi iclasını və qarşıdakı yarışa həsr olunmuş sürücülərin brinfiqini buraxacaq, amma sabah səhər ilk sərbəst yürüşlərə trasa qayıtmalıdır.
Renault nümayəndəsi bildirib: “Sabah Alonso tam qaydasında olacaq. Bu gün isə o trasdan kənarda qalıb dincəlsə daha yaxşı olar.”