İkiqat dünya çempionu Fernando Alonso özünə şəxsi mətbuat katibi tapıb – əvvəllər Ferrari-nin mətbuat xidmətində işləmiş italiyalı Roberta Vallorosi. Maraqlıdır ki, Skuderiyaya gələnə kimi Roberta MotoGP-nin yeddiqat dünya çempionu Valentino Rossi ilə işləyib.
Madonna di Kampilyoda ənənəvi Wrooom tədbiri başa çatdıqdan sonra təşkil olunmuş şam yeməyində Alonso özünə şəxsi mətbuat katibi tapdığını elan edib. İspaniyalı sürücü italyan dilində çıxış edib, sonra isə səhnəyə yeni katibini və Valentino Rossini dəvət edib, onlarla birlikdə qonaqlara kart fokusları göstərib…
