Fernando Alonso ənənəvi illik Ferrari Mondiale bayramının keçirildiyi Valensiyaya baş çəkib. Əlbəttə, ispaniyalı sürücü doğma azarkeşlər önündə arxada qalan mövsümə daha bir yekun vurub – mövsüm nə onun, nə də komandasının istədiyi kimi başa çatmayıb…
Fernando Alonso: “Biz mövsümün sonuna kimi titul uğrunda mübarizə aparan yeganə komanda idik, hərçənd, çempionatın yekunları acı təəssürat buraxdı. Bundan sonra biz daha çalışmalıyıq.
Bu mövsümü uzun müddət unutmayacam, bu mövsüm mənim üçün əlamətdar oldu. Mən bütün yarışlarda və məşqlərdə 100% çalışdım və yalnız qələbə qazanmağa köklənmişdim. Əvvəllər mən buna nail ola bilmirdim. Bir neçə yaddaqalan yarış keçirdim və onlardan biri burda, Valensiyada oldu. Mən komandamın işi ilə, onun işə yanaşması ilə fəxr edirəm, hərçənd, həmişə daha çox uğur qazanmaq olar…”
