Mövsümün startına qədər komandalar üçün yeni maşınla işləməyin bir neçə icazə verilmiş variantı var – qrup və ya şəxsi testlər, düz yollarda aerodinamik yoxlamalar, tərəfdaş və sponsorlar üçün videoçəkilişlər.
Hispania komandası Barselona testlərində yeni maşınını təqdim etsə, F111 trasa çıxa bilməmişdi – səbəb kimi komanda Amerikadan göndərilmiş amortizatorların gömrükdə ilişib qalmasını göstərmişdi. Bir çoxları hesab edirdilər ki, komanda maşınları Melburna göndərməzdən əvvəl Avropada debüt edəcək, amma bu gün məlum olub ki, F111 “ilk addımlarını” Qran Prinin cümə sərbəst yürüşlərində atacaq. Əlbəttə, əgər gömrükdə heç nə ilişib qalmasa…