20 Oktyabr 2017, Cümə - 20:01

F.Massadan Ferstappenə: “Danışığına fikir ver!”

F.Massadan Ferstappenə: “Danışığına fikir ver!”

Müəllif: Rauf Hacıyev, redaktor

06:16 - 18 Aprel, 2017

Williams komandasının sürücüsü Felipe Massa Bəhreyndə sıralanma turundan sonra braziliyalılar barədə ümumi söz işlədən Maks Ferstappenə xəbərdarlıq edib.

F-1.az xatırladır ki, hollandiyalı sürücü sıralanma turundan sonra Massanın son döngədə onu blokladığını və bu barədə braziliyalı sürücü ilə danışmağın mümkünsüz olduğunu demişdi.

Amma 19 yaşlı sürücünün “çünki o – braziliyalıdır” ifadəsini Massa birmənalı qarşılamayıb: “Ona dedim ki, danışığına fikir ver. Nəticədə Braziliyaya gəlib yarışmalıdır və buna görə də sözlərinə fikir verməlidir. Braziliyalı insanları tanımadan bu cür söz deməsi heç düzgün deyil. Onsuz da sıralanma turunda nəyə görə əsəbləşdiyini başa düşməmişdim. Böyük ehtimalla komanda yoldaşına uduzduğu üçün günahkar axtarırdı və məni hədəf seçdi. Birini mütləq günahkar çıxarmalıdır. Eyni hadisə mənimlə Hülkenberq arasında da oldu, amma heç kim şikayət etmədi”.


Son Xəbərlər

İnformasiya

Bölüm Xəbərlər
Mənbə
Baxış Sayı 4. 746
Teqlər , , , , , ,
Paylaş

logo