22 Oktyabr 2017, Bazar - 01:28

F.Massa: “Strollun Monakoda işi çətin olacaq”

F.Massa: “Strollun Monakoda işi çətin olacaq”

Müəllif: Rauf Hacıyev, redaktor

19:11 - 16 May, 2017

Williams komandasının sürücüsü Felipe Massa bildirib ki, həm komanda yoldaşı, həm də şagirdi Ləns Strollun Monakoda işi çətin olacaq.

F-1.az xatırladır ki, 18 yaşlı sürücü bərbad keçirdiyi qış testlərindən sonra mövsümün ilk 3 yarışında damalı bayrağı görə bilməmişdi. Debütant sürücü sonrakı Rusiya və İspaniya yarışlarında finişə çatsa da, hələ xal qazana bilməyib.

Felipe Massa: “Monako böyük ehtimalla ən çətin trasdır. Təcrübəli sürücülər belə orada problemlər yaşayırlar. Bolidlər bu il daha enlidir, amma küçələr həmişəki kimi dardır. Monakoda yarışmaq Ləns üçün çətin olacaq. Amma mən ona kömək etmək üçün orada olacam. Monakoda bolidə düzgün sazlanma vermək çox vacibdir və mən öz sazlanmalarımı onunla bölüşəcəm. Əylənmə zonalarını düzgün təyin etmək də bir sənətdir. Mən də ilk Monako yarışımda çox çətinlik çəkmişdim. Davamlı divarlardan qaçırdım və yarışım birdən bitdi. Sürücülərin çoxu divara çırpılırdı. Təcrübəli sürücülər də bundan qaça bilmirdilər. Ləns öyrənməyə davam etməlidir. Hazırda işi çətindir, lakin mən də bunu yaşamışam. Debüt mövsümündə ondan çox şey istəyirlər”.


Son Xəbərlər

İnformasiya

Bölüm Xəbərlər
Mənbə
Baxış Sayı 8. 514
Teqlər , , , ,
Paylaş

logo