F-1.az bildirir ki, ispaniyalı sürücü ilk dəfə iştirak edəcək Daytona yarışının testlərində çoxlu dövrələr atsa da, Cadillac sürücülərinin tempinə cavab verə bilməyib və ilk onluğa da düşə bilməyib.
Fernando Alonso: “Testlər bizim üçün əla keçdi. Amma uğur qazanmaq üçün maşının sürətini artırmalıyıq. Hələ istədiyimiz yerdə deyilik və buna görə də işləməyə davam etməliyik. Daytona trasında ilk dəfə sürdüm və bu əla idi. Kokpitdə doğru qərarlar verməlisiniz. Yarışa hazıram. Lando, Fil və bütün komanda ilə işləmək gözəl idi.
Trasın işıqlandırılması ilə bağlı problemim olmadı. Formula1-də bəzi yarışlar gecə olduğu üçün işıqlandırma və traffik mənə problem yaratmadı. Fanatlar da məni yaxşı qarşıladı və indi onlara gözəl şou göstərməyə hazırlaşıram”.
