F-1.az xatırladır ki, Mercedes, Ferrari və Red Bull komandaları Pirelli-nin 2017-ci il təkərlərini test etmək üçün könüllü olmuşdular.
Williams komandası başda olmaqla bütün komandalar məhz bu 3 komandanın 2017-ci il təkərlərini test etməsinin doğru olmadığını demişdilər. McLaren bu testlərdə iştirak etmədiyi üçün narahat olmasa da, Alonso elə düşünmür: “Yeni təkərləri bəzi komandaların test etməsi məntiqli deyil. Hamı yeni təkərlərlə test etməlidir. Əks halda bu doğru olmaz. Mən belə düşünürəm. FİA McLaren-in istisna haldan istifadə etməsinə icazə vermədi. Keçən ilin bolidi ilə test edə bilməzdik və builki mühərriyi istifadə etməyimizə icazə vermədilər. Onlar düşünür ki, biz buna görə üstünlük qazanarıq”.
