25 Sentyabr 2018, Çərşənbə axşamı - 03:22

Ekklstounun vəzifələrini Keri, Bratçes və Braun bölüşəcəklər!

Ekklstounun vəzifələrini Keri, Bratçes və Braun bölüşəcəklər!

Müəllif: Elçin Zodorov, redaktor

08:40 - 24 Yanvar, 2017

Formula1-in yeni sahibi Liberty Media-nın rəsmiləri ABŞ saatı ilə işləyirlər və biz buna uyğunlaşmalıyıq. Avropada və ölkəmizdə yatmaq vaxtı olsa da, Ekklstounun vəzifəsindən getdiyini açıqlamasından sonra okeanın o tayında vəzifə bölgüsü olub.

F-1.az bu prosseslər barədə əvvəlcədən xəbər vermişdi – Ekklstonun vəzifəsindən göndəriləcəyini, Şon Bratçes və Ross Braunun vəzifəyə gətirilə biləcəyini yazmışdıq. Belə də olub – Bratçes kommersiya direktoru, Braun isə idman direktoru vəzifəsinə təyin olunub.

Çeyz Keri, Formula1-in direktorlar şurasının sədri və icraçı direktoru: “Rossun Formula1-ə qayıtmasına görə şadam. O, 40 il ərzində işlədiyi komandaların və bu idmanın inkişafında əvəzsiz rol oynayıb. Artıq mənə onun texniki bilikləri, təcrübəsi və təhlili çox kömək edib.

Şonun bizə qoşulması məni həyəcanlandırır. O, ESPN-in dünya idman mətbuatında aparıcı yer tutmasında əhəmiyyətli rol oynayıb, şirkətin hərəkətverici qüvvəsi olub. Onun satış, marketinq və rəqəmsal media sahələrindəki bilik və təcrübələri bizə çox kömək edəcək”.

Ross Braun, Formula1-in idman direktoru: “Formula1-ə qayıtmaq fantastikadır. Mən son aylarda sevinc hissilə Liberty Media ilə danışıqlar aparırdım və indi Şon və komandamızın digər üzvləri ilə birlikdə Formula1-in inkişafına kömək etmək üçün işləyəcəm. Biz komandalarla əməkdaşlıq üçün yeni həll yolları axtaracağıq və yarışların daha yaxşı təbliğ edilməsi üçün çalışacağıq. Bu, azarkeşlər üçün də vacibdir.”

Şon Bratçes, Formula1-in kommersiya direktoru: “Mən bu gözəl idman növündə uzunmüddətli və mühüm vəzifə tutmaq fürsətini əldə etdiyim üçün çox həyəcanlıyam. Formula1 perpesktiv inkişaf üçün əlverişli imkanları olan nadir idman yarışıdır. Mən şadam ki, Formula1 azarkeşlərinin maraqlarını ödəyə biləcək növbəti nəsil rəqəmsal texnologiyaların yaradılması üçün sponsorlar və teleşirkətlərlə sıx əməkdaşlıq edəcəyik”.


Son Xəbərlər

İnformasiya

Bölüm Xəbərlər
Mənbə
Baxış Sayı 4. 355
Teqlər , , , , , ,
Paylaş

logo