17 Dekabr 2017, Bazar - 12:02

E.Qutyerres: “Macarıstanda xoş xatirələrim olub”

E.Qutyerres: “Macarıstanda xoş xatirələrim olub”

Müəllif: Rauf Hacıyev, redaktor

15:04 - 20 İyul, 2016

Esteban Qutyerres bildirib ki, Hunqarorinq onun karyerası üçün xüsusi trasdır və bu tras heç bir səhvi bağışlamır.

F-1.az xatırladır ki, meksikalı sürücü 2013 və 2014-cü illərdəki Macarıstan yarışlarında texniki problemlərlə üzləşmişdi. Amma buna baxmayaraq, o yenə də bu çətin trasdan həzz aldığını və özünə güvəndiyini bildirib.

Qutyerres bildirib ki, əgər yarşı ilk onluqda bitirmək istəyirsə, təkərlərlə yaxşı işləməlidir: “Macarıstanda tras isti olur və təkərlər çox tez qızır. Amma bolidimi tanıyıram və özümə güvənirəm. Belə olan halda, hər cür şəraitə uyğunlaşmaq olar. Təkərlər tez yeyildiyi üçün sıralanma turunda ilk dövrəni vurmaq və yeni təkərlərdən mümkün olduqca faydalanmaq önəmlidir. Bu trasda yaxşı dövrə zamanı vurmaq üçün ikinci şansınız olmur”.

Qutyerres əlavə edib ki, Macarıstanda xoş xatirələri var: “Hunqarorinq mənimçün xüsusi trasdır. Avropada ilk dəfə orada test etmişdim və hər dəfə bura gələndə o günlər yadıma düşür. Nəticələrim yaxşı idi. Hunqarorinq yavaş tras olsa da, sürətli döngələri var və quruluşu qəribədir”.


Son Xəbərlər

İnformasiya

Bölüm Xəbərlər
Mənbə
Baxış Sayı 122
Teqlər ,
Paylaş

logo