24 Oktyabr 2017, Çərşənbə axşamı - 04:31

E.Bulye: “Vandorn gözləntilərimizi qarşılamır”

E.Bulye: “Vandorn gözləntilərimizi qarşılamır”

Müəllif: Rauf Hacıyev, redaktor

15:06 - 02 İyul, 2017

İlk 8 yarışda Fernando Alonsodan geri qalan Stoffel Vandornun performansı komandası McLaren-in xoşuna gəlməyib.

F-1.az xatırladır ki, belçikalı sürücü aşağı seriyalarda mükəmməl performans göstərmiş və 2015-ci ildə GP2-də böyük fərqlə Dünya Çempionluğunu qazanmışdı.

25 yaşlı sürücü bu il McLaren komandasında Censon Battonu əvəzləsə də, ilk 8 yarışda komanda yoldaşı Alonsoya qarşı üstünlük qazana bilməyib. İspaniyalı sürücü bu mövsüm tamamladığı 2 yarışdan birində xal alsa da, Vandorn tamamladığı 5 yarışın hamısından xalsız qayıdıb.

Erik Bulye: “Vandorn gözlədiyimiz kimi güclü deyil. Aşağı seriyalarda çox yaxşı keçmişi var. Eynilə Həmilton kimi bütün seriyalarda qalib gəlib. Doğrudan da, çox istedadlıdır. Bolidində çoxlu problemlər yaşadı və biz ona istədiyi kimi bolid verə bilmədik. Hazırda bolidi sürətli sürməsi üçün hər şey edirik. Əminəm ki, yaxşı performans göstərəcək. Ferstappendən başqa bütün debütantlar ilk 6 ayda problemlər yaşayıblar”.


Son Xəbərlər

İnformasiya

Bölüm Xəbərlər
Mənbə
Baxış Sayı 13. 974
Teqlər , , ,
Paylaş

logo