17 Dekabr 2017, Bazar - 04:16

Dünya Çempionu ölümcül qəza keçirib

Dünya Çempionu ölümcül qəza keçirib

Müəllif: Rauf Hacıyev, redaktor

19:13 - 17 May, 2017

MotoGP üzrə 2006-cı ilin Dünya Çempionu və hazırda WSBK seriyasında çıxış edən Niki Heyden ciddi qəza keçirib.

F-1.az bildirir ki, 35 yaşlı sürücü çərşənbə günü İtaliyanın Rimini şəhərində dostları ilə velosiped sürərkən, yoldan keçən bir avtomobil ona çırpılıb. Bu qəzadan sonra amerikalı sürücü maşının ön pəncərəsinə çırpılıb. Heyden ciddi döş və beyin zədələnməsi diaqnozu ilə Rimini yaxınlığındakı xəstəxanaya çatdırılıb. Amerikalının vəziyyəti hazırda ağır qiymətləndirilir və İtaliya mətbuatının yazdığına əsasən, sürücünün şüuru üstündə deyil. Onun ayaqlarında çox sayda qırıqlar və beynində iltihablanma var. Həkimlər Heydenin beynindəki təzyiqi aşağı salmağa çalışırlar.

Qeyd edək ki, Kentukidə dünyaya gəlmiş sürücü 2003-2015-ci illərdə MotoGP-də çıxış edərək Honda, Ducati və Aspar komandalarının şərəfini qoruyub. Amerikalı sürücü 2006-cı ildə əfsanəvi Valentino Rossi ilə dueldən qalib ayrılaraq, Dünya Çempionu titulunu qazanmışdı.


Son Xəbərlər

İnformasiya

Bölüm Xəbərlər
Mənbə
Baxış Sayı 8. 112
Teqlər , , , , ,
Paylaş

logo