F-1.az xatırladır ki, Sepanqda keçirilən yarış zamanı soyunaraq üzərində Malayziyanın bayrağı əks olunmuş alt paltarlarını nümayiş etdirən 9 avstraliyalı həbs olunmuşdu. Polis həmin şəxslərin davranışını sülh və cəmiyyətin əxlaqının pozulmasına təşviqə yol açan qəsdən edilmiş hərəkət kimi qəbul etdiklərini və buna görə həbs edildiklərini bildirmişdi.
Daniel Rikkardo: “Təbii ki, xəbərim var. Lakin mən bunu hadisədən sonra bilmişəm. Onlar bunun zərərsiz bir əyləncə olduğunu düşünüblər və mənim qələbəmi belə qeyd ediblər. Pis düşüncələri olmayıb və etdikləri şeyin yerli xalqa göstərəcəyi təsiri düşünməyiblər…”
