17 Oktyabr 2017, Çərşənbə axşamı - 21:00

D.Kvyat yüksək əhval-ruhiyyədədir

D.Kvyat yüksək əhval-ruhiyyədədir

Müəllif: Rauf Hacıyev, redaktor

16:16 - 21 Aprel, 2017

Toro Rosso komandasının sürücüsü Daniil Kvyat bildirib ki, Bəhreyndəki mövsümiçi testlər onun üçün əla keçib və öz vətənindəki yarışdan əvvəl yüksək əhval-ruhiyyə toplayıb.

F-1.az xatırladır ki, rusiyalı sürücü Avstraliyada 9-cu yeri tutaraq, mövsümə xalla başlasa da, Çin və Bəhreyndə xal qazana bilməyib. Amma gənc sürücü uğursuz seriyanı öz vətənində qırmaq istəyir: “Mən və komandam üçün çox faydalı 2 gün idi. Boliddə yarım gün işləsəm də, çoxlu dövrələr vurduq və lazımi məlumatlar topladıq. Burada bir neçə yeni detalı da test edə bildik. Bunları yarış həftəsonunda sınaqdan keçirmək bəzən çox riskli olur. Buna görə də testlərdən maksimum formada istifadə etdik. Rusiyadakı yarış üçün çoxlu məlumat toplamışıq və bunları dəyərləndirmək istəyirik. Ümid edirəm ki, öz vətənimdəki yarışdan gözəl nəticələr alaraq, hamını sevindirərəm”.


Son Xəbərlər

İnformasiya

Bölüm Xəbərlər
Mənbə
Baxış Sayı 3. 574
Teqlər , , , ,
Paylaş

logo