11 Dekabr 2017, Bazar ertəsi - 07:46

Codemasters şirkəti F1 2017 oyununun çıxış tarixini elan edib

Codemasters şirkəti F1 2017 oyununun çıxış tarixini elan edib

Müəllif: Elçin Zodorov, redaktor

08:04 - 18 May, 2017

Son illərdə Formula1 oyunlarının istehsalı ilə məşğul olan Britaniyanın Codemasters şirkəti yeni F1 2017 oyununun buraxılış tarixini elan edib və videosunu paylaşıb. Həvəskarlar oyunu avqustun 25-dən etibarən əldə edə biləcəklər.

F-1.az xəbər verir ki, F1 2017  PlayStation 4, Xbox One və PC platformaları üçün nəzərdə tutulub. Müəlliflər ötənilki oyunla (F1 2016) müqayisədə bir çox yeniliklər vəd edirlər. Xüsusilə də karyera və çox istifadəçi rejimləri yenidən işlənilib. Əsas fərq isə oyuna tarixi maşınların da daxil edilməsidir. Bu maşınların arasında McLaren Mp4/4, Williams FW14B və Ferrari F2002-nin olacağı artıq açıqlanıb. Tam siyahı isə yaxın vaxtlarda elan ediləcək.

Pol Jil, layihələr üzrə rəhbər: “Ötən il buraxdığımız oyun çox uğurlu alındı və yüksək qiymət verildi. Biz yeni oyun barədə məlumat verdiyimiz və ona tarixi maşınları yenidən daxil etdiyimiz üçün çox şadıq. Bu addımı F1 2013 oyununda atmışdıq və müsbət qarşılanmışdı. Lakin bu dəfə daha yaxşı olacaq. Formula1-də tarixi maşın çoxdur və onların arasından seçim etmək çox çətin oldu. Bununla belə, biz son 30 ildəki ən uğurlu maşınları oyuna daxil etmək barədə verdiyimiz qərardan razıyıq”.


Son Xəbərlər

İnformasiya

Bölüm Xəbərlər
Mənbə
Baxış Sayı 7. 917
Teqlər ,
Paylaş

logo