Sauber komandasının texniki direktoru Ceyms Ki komandanı tərk edib və Britaniyaya qayıdıb. Bu addımın səbəbləri açıqlanmır, amma Sauber komandası istedadlı mühəndisə böyük ümidlər bəsləyirdi, son məlumatlara görə, komandanın texniki direktoru vəzifəsini bir neçə mütəxəssis üzərinə götürəcək…
Peter Zauber, komandanın başçısı: “Texniki qərarlar üzrə məsuliyyət ixtisaslaşdırılmış mühəndislər qrupu arasında bölüşdürüləcək. Bizim komanda Ceymslə son iki ildə böyük uğurlar qazanmışdı. Biz ona minnətdarlıq edirik və gələcək karyerasında uğurlar arzulayırıq.”
Ceyms Ki: “Mən Sauber-də son iki ildə işimdən zövq aldım – hadisələrlə zəngin dövr oldu, biz zavod komandasından şəxsi komanda səviyyəsinə hamar keçdik. Məncə, indi Sauber-in gələcəyi heç kimdə şübhə doğurmur. Mənə Britaniyada yeni iş təklif olunub, mən də bu təklifi qəbul etmişəm.”
