Çempionlar Yarışı Səudiyyə Ərəbistanında keçiriləcək

Çempionlar Yarışının təşkilatçıları elan ediblər ki, mövsümə son vuran möhtəşəm şou ilk dəfə Səudiyyə Ərəbistanının paytaxtı ər-Riyadın King Fahd stadionunda keçiriləcək.

F-1.az yarışın rəsmi saytına istinadən bildirir ki, 2018-ci ilin əvvəlinə planlaşdırılan şouda Formula1, WEC, İndyCar və ralli-krossun nümayəndələri güclərini sınayacaqlar. Tədbirin tarixi və iştirakçıların heyəti isə təşkilatçılar tərəfindən yaxın günlərdə elan olunacaq…

Frederik Conson, Çempionlar Yarışının prezidenti: “Bizim ən güclü tərəfimiz irəli baxmaq bacarığımızdır və Çempionlar yarışının Səudiyyə Ərəbistanından keçirilməsi bunun bariz sübutudur, çünki bu ölkə beynəlxalq arenada mühüm idman bazarına çevrilməkdədir.

Gələn ildən ölkədə hətta qadınlar da maşın sürmək hüququ qazanacaqlar və biz hesab edirik ki, Çempionlar Yarışını ər-Riyadda keçirmək üçün gözəl fürsətdir. Çempionlar Yarışı sadəcə yarış deyil, Çempionlar Yarışı dünyanın ən güclü sürücülərinin qatıldığı beynəlxalq miqyaslı hadisədir”.

Xatırladaq ki, sonuncu Çempionlar Yarışı bu ilin əvvəlində Mayamidə keçirilmişdi – Xuan Pablo Mantoya sürücülərin yarışında qalib gəlmişdi, Sebastyan Fettel isə Almaniyaya Millətlər Kubokunu qazandırmışdı…

, , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*