19 Noyabr 2018, Bazar ertəsi - 04:59

Can Paolo Dallaranın Çin yarışı barədə proqnozları

Can Paolo Dallaranın Çin yarışı barədə proqnozları

Müəllif: Rauf Hacıyev, redaktor

17:18 - 05 Aprel, 2017

Əfsanəvi mühəndis Can Paolo Dallara bildirib ki, Ferrari mövsümün ikinci yarışı olan Çində ilk yarışdakı kimi rahat olmayacaq.

F-1.az xatırladır ki, Sebastyan Fettel Avstraliyada ən yaxın izləyicisi Həmiltona 10 saniyə fərq ataraq qalib gəlmiş və Ferrari-yə 27 yarışdan sonra ilk qələbəsini qazandırmışdı. Bundan sonra Ferrari Çin yarışı üçün favorit göstərilsə də, 81 yaşlı Dallara bu fikirlərlə razı deyil: “Gənc italyan mühəndislərin Ferrari üçün rəqabətədavamlı bolid hazırlamaları təsiredicidir. Amma Albert Parkda ötmələrin çətin olması Ferrari-yə çox kömək elədi. İtalyanlar gözəl strategiya tətbiq edərək qalib gəldilər.

Amma Çində Mercedes-in bir addım öndə olacağını düşünürəm. Maranelloda əla işlər görülsə də, Mercedes son 3 ilin çempionudur və birdən-birə geri düşməyəcək. Amma iki komanda arasındakı fərqin çox olacağını düşünmürəm. Qələbə uğrunda mübarizə görmək istəyirəm, amma Mercedes qələbəyə daha yaxındır. Bəhreyndə Ferrari yenidən favorit olacaq”.


Son Xəbərlər

İnformasiya

Bölüm Xəbərlər
Mənbə
Baxış Sayı 3. 098
Teqlər , , , , ,
Paylaş

logo