F-1.az xatırladır ki, mövsümün gedişində – İspaniya Qran Prisindən əvvəl Daniil Kvyatın əvəzinə Red Bull-a gətirilən gənc hollandiyalı Barselonada yeni komandası ilə ilk yarışdaca qələbə qazanmışdı. Ən gənc qələbə qazanan, ən gənc podiuma yüksələn, ən gənc yarışa liderlik edən sürücü olan Maks Braziliyadakı yarışda ən gənc sürətli dövrə vuran sürücü adına sahib çıxıb. Red Bull-a keçidindən sonra 7 dəfə podiuma yüksələn sürücü bir çoxları tərəfindən gələcəyin çempionu hesab edilir.
Maksın titul və ya titullar qazanmaq potensialı o qədər yüksək görünür ki, artıq Britaniyanın bəzi bukmeyker idarələri onun gələcək uğurlarına pul qoyuluşu qəbul edirlər.
| Uğur | Əmsal |
| 2017-ci ildə çempion olmaq | 6.00 |
| Karyerası boyu 3 və ya daha artıq titul qazanmaq | 1.80 |
| Karyerası boyu 4 və ya daha artıq titul qazanmaq | 2.00 |
| Karyerası boyu 5 və ya daha artıq titul qazanmaq | 3.50 |
| Karyerası boyu 6 və ya daha artıq titul qazanmaq | 7.00 |
| Karyerası boyu 7 və ya daha artıq titul qazanmaq | 11.00 |
| Karyerası boyu 8 və ya daha artıq titul qazanmaq | 17.00 |
| Ən gənc dünya çempionu olmaq | 1.67 |
| Karyerası boyu Mixael Şumaxerdən (91) daha çox qələbə qazanmaq | 17.00 |
| Karyerası boyu 100-dən çox qələbə qazanmaq | 34.00 |
