Sessiyanın əvvəlində nəm tras, quru. Buludlu. Havanın temperaturu +26° C, trasın temperaturu +36° C
İnterlaqosda ötmək mümkündür, amma hava proqnozu sabaha yağış vəd edirdi, ona görə də sıralanma turu prinsipial əhəmiyyət kəsb edib, xüsusən də nəzərə almaq lazımdır ki, mövsümün sonuncu Qran Prisində çempion titulunun taleyi həll olunur – Sebastyan Fettel San Pauluya Fernando Alonso üzərində 13 xallıq üstünlüklə gəlib.
Lotus-un mexanikləri Kimi Rəykkönenin maşınında motoru dəyişməli olublar, finlandiyalı sürücünün maşınına Abu Dabidə ona qələbə qazandırmış motor quraşdırılıb.
Sıralanma turundan bir qədər əvvəl kiçik yağış yağıb, ona görə də sürücüləri nəm və qurumaqda olan tras gözləyib. Bəzi sürücülər trasa keçid təkərlərlə çıxıblar, amma bir neçə dövrədən sonra sliklərin üstünlüyü görünüb və hamı təkərlərini dəyişib. Top-komandaların sürücüləri trasa tələsməyiblər, trasın və ya trayektoriyanın qurumasını gözləyiblər. Sonra isə daha bərk tərkiblər uzun dövrələr seriyasına çıxıblar. Roman Qrojan start düzlüyünün girişində Pedro de la Rosa ilə toqquşub və mövsümdə ilk dəfə zəif komandaların sürücüləri ilə birlikdə mübarizəni dayandırmalı olub. Protokollara isə Lyuis Həmilton başçılıq edib – 1:15.075.
İkinci sessiyaya Ferrari sürücüləri bərk tərkiblə başlayıblar və uzun dövrələr seriyasına çıxıblar. Amma digər sürücülər daha qısa dövrələr seriyasında daha yumşaq tərkiblə işləyiblər. Tras tam quruduğundan sürətlər artıb. Protokollara Sebastyan Fettel başçılıq edib – 1:13.209, sonuncu sessiyaya di Resta, Senna, Peres, Şumaher, Kobayaşi, Rikkardo və Vern keçə bilməyiblər.
Sonuncu sessiyada hamı Medium tərkibi ilə işləyib, trasın temperaturu sıralanma turunun əvvəlindən 11 dərəcə artıb. Həmilton elə ilk cəhdində uik-endin rekorduna imza atıb – 1:12.850. Mark Uebber ikinci cəhdində bu nəticəni yaxşılaşdıra bilib – 1:12.581, amma McLaren sürücüləri ilk cərgəni tuta biliblər.
Həmilton karyerasında 26-cı, mövsümdə isə 7-ci poulunu qazanıb və McLaren-də sonuncu yarışına komanda yoldaşı ilə ilk cərgədən başlaycaq. Red Bull sürücüləri ikinci cərgəni zəbt ediblər – Fettel Uebberin arxasından start alacaq. Alonso isə öz komanda yoldaşı Massaya da uduzaraq 8-ci yerdən start alacaq.
Sonuncu Qran Pridə Ferrari komandası braziliyalı sürücünün maşınında ötürmələr qutusunun plombunu sındırmışdı ki, Alonsonun start mövqeyi yaxşılaşsın. Bu dəfə oxşar senari baş verəcəkmi?
Sabah bizi çox maraqlı yarış gözləyəcək, artıq bir gündən sonra biz ən gənc üçqat dünya çempionunun adını biləcəyik…
Yer | Pilot | Komanda | Motor | I sessiya | II sessiya | III sessiya | |||
Yer | Vaxt | Yer | Vaxt | Vaxt | Fərq | ||||
01 | L.Həmilton | McLaren | Mercedes | 01 | 1:15.075 | 02 | 1:13.398 | 1:12.458 | – |
02 | C.Batton | McLaren | Mercedes | 03 | 1:15.456 | 03 | 1:13.515 | 1:12.513 | + 0.055 |
03 | M.Uebber | Red Bull | Renault | 11 | 1:16.180 | 04 | 1:13.667 | 1:12.581 | + 0.123 |
04 | S.Fettel | Red Bull | Renault | 05 | 1:15.644 | 01 | 1:13.209 | 1:12.760 | + 0.302 |
05 | F.Massa | Ferrari | Ferrari | 12 | 1:16.263 | 10 | 1:14.048 | 1:12.987 | + 0.529 |
06 | P.Maldonado | Williams | Renault | 13 | 1:16.266 | 06 | 1:13.698 | 1:13.174 | + 0.716 |
07 | N.Hülkenberq | Force İndia | Mercedes | 04 | 1:15.536 | 07 | 1:13.704 | 1:13.206 | + 0.748 |
08 | F.Alonso | Ferrari | Ferrari | 10 | 1:16.097 | 09 | 1:13.856 | 1:13.253 | + 0.795 |
09 | K.Rəykkönen | Lotus | Renault | 15 | 1:16.432 | 05 | 1:13.698 | 1:13.298 | + 0.840 |
10 | N.Rosberq | Mercedes AMG | Mercedes | 07 | 1:15.929 | 08 | 1:13.848 | 1:13.489 | + 1.031 |
11 | P.di Resta | Force İndia | Mercedes | 06 | 1:15.901 | 11 | 1:14.121 | – | – |
12 | B.Senna | Williams | Renault | 02 | 1:15.333 | 12 | 1:14.219 | – | – |
13 | S.Peres | Sauber | Ferrari | 08 | 1:15.974 | 13 | 1:14.234 | – | – |
14 | M.Şumaher | Mercedes AMG | Mercedes | 09 | 1:16.005 | 14 | 1:14.334 | – | – |
15 | K.Kobayaşi | Sauber | Ferrari | 14 | 1:16.400 | 15 | 1:14.380 | – | – |
16 | D.Rikkardo | Toro Rosso | Ferrari | 17 | 1:16.744 | 16 | 1:14.574 | – | – |
17 | J.E.Vern | Toro Rosso | Ferrari | 16 | 1:16.722 | 17 | 1:14.619 | – | – |
18 | R.Qrojan | Lotus | Renault | 18 | 1:16.967 | – | – | – | – |
19 | V.Petrov | Caterham | Renault | 19 | 1:17.073 | – | – | – | – |
20 | H.Kovalaynen | Caterham | Renault | 20 | 1:17.086 | – | – | – | – |
21 | T.Qlok | Marussia | Cosworth | 21 | 1:17.508 | – | – | – | – |
22 | Ş.Pik | Marussia | Cosworth | 22 | 1:18.104 | – | – | – | – |
23 | N.Kartikeyan | HRT | Cosworth | 23 | 1:19.576 | – | – | – | – |
24 | P.de la Rosa | HRT | Cosworth | 24 | 1:19.699 | – | – | – | – |