Braziliya Qran Prisi günlərində FİA-nn rəsmi mətbuat konfranslarının iştirakçılarının adları açıqlanıb.
Cümə axşamı Sebastyan Fettel (Red Bull), Fernando Alonso və Felipe Massa (Ferrari), Lyuis Həmilton (McLaren), Mixael Şumaher (Mercedes AMG) və Bruno Senna (Williams) jurnalistlərin suallarına cavab verməli olacaqlar.
Cümə günü isə sürücüləri komandaların məsul işçiləri – Erik Bulye (Lotus), Ross Braun (Mercedes AMG), Stefano Domenikali (Ferrari), Kristian Horner (Red Bull), Monişa Kaltenborn (Sauber) və Martin Uitmarş (McLaren) əvəz edəcəklər.
Şənbə və bazar günləri isə adətən sıralanma turu və yarışın ilk üçlüyünə verilir…