Braziliya-2016: İkinci sərbəst yürüşlər

Hava proqnozlarında cümə günü də şimşək çaxacağı, yağış yağacağı bildirilirdi, lakin ikinci sessiya da səhərki sessiya kimi, quru havada baş tutub. Havanın temperaturu +31 dərəcəyə, asfaltın istiliyi isə +50 dərəcəyə çatıb.

F-1.az xatırladır ki, proqnozlarda şənbə və bazar günlərinin sərin və yağışlı keçəcəyi bildirilmişdi. Komandalar ikinci sessiyada yarış simulyasiyasına üstünlük veriblər. Renault səhər seansında Kevin Maqnussenin  güc qurğusunda yaranan problemi aradan qaldırıb və danimarkalı sürücü sessiyanın əvvəlindən trasa çıxıb. Boksda ən çox ləngiyən Həmilton olub – britaniyalı startdan 15 dəqiqə sonra məşqlərə başlayıb.

Eriksson yerində fırlanıb və təkər dəstini korlayıb. Rəykkönen isə gözlənilmədən Saynsın qarşısında manevr edərək pitə yollanıb. Stüardlar bu manevri sessiyadan sonra araşdıracaqlar. Sessiyanın 54-cü dəqiqəsində Fernando Alonsonun maşınında ERS problemi yaşanıb və mühəndislər ondan maşını saxlamasını istəyiblər. Fernando marşallara maşının kənara çəkilməsində kömək edib və sonra isə FOM-un operatorunun stulunda kameranın qarşısında əyləşib.

Kimi Rəykkönen və Censon Batton mexaniki problemlərə görə sessiyanı vaxtından əvvəl dayandırmalı olublar. Səhər olduğu kimi, yenə də protokollara Həmilton başçılıq edib – 1.12.271. O, komanda yoldaşını çox cüzi fərqlə üstələyib. Məşqlər şənbə günü davam edəcək…

Yer N Sürücü Komanda Zaman Fərq Dövrə
1 44 Lyuis Həmilton Mercedes AMG 1:12.271 41
2 6 Niko Rosberq Mercedes AMG 1:12.301 + 0:00.030 40
3 77 Valtteri Bottas Williams 1:12.761 + 0:00.490 47
4 19 Felipe Massa Williams 1:12.789 + 0:00.518 43
5 3 Daniel Rikkardo Red Bull 1:12.828 + 0:00.557 43
6 33 Maks Ferstappen Red Bull 1:12.928 + 0:00.657 45
7 5 Sebastyan Fettel Ferrari 1:13.002 + 0:00.731 45
8 7 Kimi Rəykkönen Ferrari 1:13.047 + 0:00.776 24
9 27 Niko Hülkenberq Force İndia 1:13.299 + 0:01.028 42
10 22 Censon Batton McLaren 1:13.440 + 0:01.169 19
11 14 Fernando Alonso McLaren 1:13.572 + 0:01.301 18
12 26 Daniil Kvyat Toro Rosso 1:13.689 + 0:01.418 46
13 55 Karlos Sayns Toro Rosso 1:13.801 + 0:01.530 47
14 11 Serxio Peres Force İndia 1:13.918 + 0:01.647 38
15 8 Roman Qrojan Haas 1:14.074 + 0:01.803 35
16 20 Kevin Maqnussen Renault 1:14.109 + 0:01.838 47
17 12 Felipe Nasr Sauber 1:14.309 + 0:02.038 40
18 31 Esteban Okon Manor 1:14.317 + 0:02.046 46
19 30 Colion Palmer Renault 1:14.436 + 0:02.165 43
20 21 Esteban Qutyerres Haas 1:14.558 + 0:02.287 42
21 9 Markus Eriksson Sauber 1:14.695 + 0:02.424 21
22 94 Paskal Verlyayn Manor 1:14.958 + 0:02.687 22

 

, , , , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*