Yağış. Buludlu. Havanın temperaturu +17°-18° C, trasın temperaturu +18°-19° C
Artıq mövsümdə dördüncü dəfədir ki, hava şəraiti cümə günü komandaların işinə müdaxilə edib, sürücülər nəzərdə tutduqları proqramlar üzrə işləyə bilməyiblər – axşamdan başlayan yağış bütün günü davam edib, yağış güclü olmasa da, uzun müddət yağdığı üçün trasda gölməçələr əmələ gəlib.
Sessiyanın əvvəlində sürücülər bir dövrə vuraraq boksa qayıdıblar. Pirelli-nin Silverstouna gətirdiyi eksperimental Hard təkərlərini yenə də yoxlamaq olmayıb. Force İndia komandası yağış üzündən test sürücüsü Ceyms Rossiteri sükan arxasına otuzdurmaq planından əl çəkib – komanda sürücünün simulyatordakı təəssüratlarını real təəssüratlarla müqayisə etmək istəyirdi.
Sessiyanın sonuna 15 dəqiqə qalmış Daniel Rikkardo ilk nəticəni göstərib, sonra başqa sürücülər də trasa çıxıblar. Şarl Pik son sektorda trasdan çıxaraq maşını baryerlərə çırpıb. Digər sürücülər də səhv ediblər, amma ciddi insident yaşanmayıb.
Sonda cəmi 11 sürücü tam dövrə vurub, Rikkardo protokollara başçılıq edib. Hava proqnozu nahardan sonra da yağış vəd edir.
Nəticələr belə olub:
| Yer | Pilot | Komanda | Motor | Vaxt | Fərq | Dövrə |
| 01 | D.Rikkardo | Toro Rosso | Ferrari | 1:54.249 | – | 10 |
| 02 | N.Hülkenberq | Sauber | Ferrari | 1:55.033 | + 0.784 | 7 |
| 03 | P.Maldonado | Williams | Renault | 1:55.354 | + 1.105 | 7 |
| 04 | L.Həmilton | Mercedes AMG | Mercedes | 1:55.458 | + 1.209 | 5 |
| 05 | E.Qutyerres | Sauber | Ferrari | 1:55.825 | + 1.576 | 9 |
| 06 | V.Bottas | Williams | Renault | 1:56.361 | + 2.112 | 7 |
| 07 | J.E.Vern | Toro Rosso | Ferrari | 1:57.891 | + 3.642 | 4 |
| 08 | Q.van der Qarde | Caterham | Renault | 1:58.859 | + 4.610 | 6 |
| 09 | M.Çilton | Marussia | Cosworth | 1:59.719 | + 5.470 | 7 |
| 10 | J.Byanki | Marussia | Cosworth | 1:59.876 | + 5.627 | 8 |
| 11 | F.Massa | Ferrari | Ferrari | 2:06.534 | + 12.285 | 6 |
| 12 | N.Rosberq | Mercedes AMG | Mercedes | – | – | 3 |
| 13 | P.di Resta | Force İndia | Mercedes | – | – | 4 |
| 14 | R.Qrojan | Lotus | Renault | – | – | 1 |
| 15 | C.Batton | McLaren | Mercedes | – | – | 1 |
| 16 | A.Sutil | Force İndia | Mercedes | – | – | 4 |
| 17 | F.Alonso | Ferrari | Ferrari | – | – | 4 |
| 18 | M.Uebber | Red Bull | Renault | – | – | 1 |
| 19 | S.Peres | McLaren | Mercedes | – | – | 1 |
| 20 | Ş.Pik | Caterham | Renault | – | – | 3 |
| 21 | S.Fettel | Red Bull | Renault | – | – | 4 |
| 22 | K.Rəykkönen | Lotus | Renault | – | – | – |
