Barselona testləri (8-12 mart)

12 mart Güclü yağış. Havanın temperaturu +10°-12° C, trasın temperaturu +11°-13° C Mövsümöncəsi testlərin son günü güclü yağış altında keçib. […]
12 mart

Güclü yağış. Havanın temperaturu +10°-12° C, trasın temperaturu +11°-13° C

Mövsümöncəsi testlərin son günü güclü yağış altında keçib. Dünən gecədən başlayan yağış bütün günü davam edib, hərdən zəifləyib, hərdən güclənib. çempionatın yeddi komandası testləri dünən başa vurub, ancaq dörd komanda (Ferrari, McLaren, Mercedes GP və Williams) testləri bu gün başa vurub.

Nahara qədər ancaq Lyuis Həmilton trasda bir neçə dövrə vurub, digər sürücülər isə ancaq boksdan çıxıb bıksa girməklə məşğul olublar. Nahardan sonra vəziyyət bir qədər yaxşılaşıb, amma bir saatdan sonra yağış yenə də güclənib.

Pirelli təkərlərinə gəlincə, bu həftə komandalar həm isti havada, həm də güclü yağışda işləmək şansı əldə ediblər – iki gün əvvəl asfalt +30 dərəcəyədək qızmışdı, bu gün isə maşınlar trasda az qala üzürdülər.

bar-12.03-mal2
Buna baxmayaraq testlərin son günü komandalar məhsuldar işləyə bilməyiblər. McLaren komandası yenə də yarışı imitasiya edə bilməyib, Ferrari bir neçə dövrədən sonra avadanlıqları yığışdırmağa başlayıb.

Nəticədə üç sürücü bir neçə dövrəlik seriyalar edib və protokollara düşüb. Birinci sətri isə Niko Rosberq tutub.

bar-12.03-ham3
Beləliklə, mövsümöncəsi testlər başa çatıb. Gələn həftə maşınlar Melburna göndəriləcək, iki həftədən sonra isə biz qüvvələr nisbətini biləcəyik. Az qalıb…

Nəticələr belə olub:

Yer Pilot Komanda Motor Vaxt Fərq Dövrə
01 N.Rosberq Mercedes GP Mercedes 1:43.814 35
02 P.Maldonado Williams Cosworth 1:44.333 + 0:00.519 23
03 L.Həmilton McLaren Mercedes 1:44.560 + 0:00.746 33
04 M.Şumaher Mercedes GP Mercedes 5
05 F.Alonso Ferrari Ferrari 5
11 mart

bar-11.03-shum1

Quru. Buludlu. Havanın temperaturu +10°-16° C, trasın temperaturu +11°-26° C

Bu gün çempionatın yeddi komandası mövsümöncəsi testləri başa vurublar. Bazada gərgin əmək, testlərdə gərgin iş arxada qalıb – testlər heç də ideal alınmayıb, bəzi komandalar problemlərlə üzləşiblər, amma mövsümün ilk yarışına hamı ən yaxşı formada olmağa çalışacaq.

Yerdə qalan beş komanda isə – Williams, McLaren, Mercedes GP, Ferrari və bu gün yeni maşınını təqdim etmiş Hispania komandaları testləri sabah başa vuracaqlar, düzdür, Hispania bu gün nahardan sonra trasa çıxmalı idi, amma yeni maşının Amrikadan göndərilən amartizatorları gömrükdə ilişib qaldığı üçün maşının debütü sabaha keçirilib. Komanda bu gün yalnız təqdimat və fotosessiya ilə kifayətlənməli olub.

bar-11.03-alo2
Bu gün Mercedes GP komandası yeni aerodinamik paketi maşına quraşdırıb – nahardan əvvəl trasda Mixael Şumaher işləyib, almaniyalı sürücü sıralanma turu və yarışı imitasiya edib. Yeddiqat dünya çempionunun sıralanma turu rejimində göstərdiyi nəticə Barselona testlərinin rekordu olub. Axşama yaxın Mixaeli sükan araxsında Niko Rosberq əvəz edib – gənc sürücü də sürətli olaraq protokollarda üçüncü yeri tutub.

Tribunlara toplaşmış azarkeşlərin sevimlisi Fernando Alonso bu gün ikinci olub – Ferrari komandası da yeni 150° İtalia-ya bütün yenilikləri quraşdırıb, amma ispaniyalı sürücü yarış uik-endinin gedişini imitasiya etməklə yanaşı müxtəlif sazlanmaları da yoxlayıb.

bar-11.03-ros3
Digər komandalar da mövsümün ilk yarışına hazırladıqları yenilikləri yoxlayıblar, Williams komandası isə trasa KERS-siz çıxmalı olub və mövsümün ilk yarışlarında sistemin maşına quraşdırılması sual altındadır…

Nəticələr belə olub:

Yer Pilot Komanda Motor Vaxt Fərq Dövrə
01 M.Şumaher Mercedes GP Mercedes 1:21.249 67
02 F.Alonso Ferrari Ferrari 1:21.614 + 0:00.365 141
03 N.Rosberq Mercedes GP Mercedes 1:21.788 + 0:00.539 22
04 N.Haydfeld Lotus Renault GP Renault 1:22.073 + 0:00.824 67
05 R.Barrikello Williams Cosworth 1:22.233 + 0:00.984 89
06 K.Kobayaşi Sauber Ferrari 1:22.315 + 0:01.066 98
07 X.Algersuari Toro Rosso Ferrari 1:22.675 + 0:01.426 72
08 S.Fettel Red Bull Renault 1:22.933 + 0:01.684 64
09 H.Kovalaynen Team Lotus Renault 1:23.437 + 0:02.188 138
10 P.di Resta Force İndia Mercedes 1:23.653 + 0:02.404 42
11 A.Sutil Force İndia Mercedes 1:23.921 + 0:02.672 26
12 P.Maldonado Williams Cosworth 1:24.108 + 0:02.859 11
13 C.Batton McLaren Mercedes 1:25.837 + 0:04.588 57
14 J.D’Ambrozio Marussia Virgin Cosworth 1:27.375 + 0:06.126 46
10 mart

bar-10.03-per1

Quru. Günəşli. Havanın temperaturu +11°-19° C, trasın temperaturu +12°-30° C

Mövsümöncəsi testlərin sonuncu seriyasının Barselonada üçüncü günü əla havada keçib. Pirelli isti havada işləməyin vacib olmasını çoxdan söyləyirdi və bu gün hava +30 dərəcəyə qədər qızıb.

Bu gün trasa on komanda çıxıb – McLaren birgünlük fasilə götürüb, Hispania isə sabah debüt etməlidir. Yerdə qalan komandaların çoxu sıralanma turu və yarışın imitasiyası ilə məşğul olublar, ona görə də protokolun yuxarı sətirlərinə sıralanm turu rejimində işləyən sürücülər düşüblər.

bar-10.03-mas2
Sessiya problemsiz ötüşməyib – səhər Jerom D’Ambrozio start düzlüyündə dayanıb, iki dəfə Rubens Barrikello qırmızı bayraqların dalğalanmasına səbəb olub, Yarno Trullinin maşınında ötürmələr qutusunu dəyişmək lazım gəlib, Serxio Peres isə yarışın imitasiyasını KERS problemləri üzündən dayandırıb.

bar-10.03-ueb3
Protokollara isə Serxio Peres başçılıq edib, meksikalı debütant ümumilikdə 2011-c ildə Barselona testlərinin rekorduna imza atıb. Sauber-in sürücüsü günün ən böyük məsafəsini (132 dövrə) qət etmiş Felipe Massanı və Mark Uebberi qabaqlaya bilib…

Nəticələr belə olub:

Yer Pilot Komanda Motor Vaxt Fərq Dövrə
01 S.Peres Sauber Ferrari 1:21.761 95
02 F.Massa Ferrari Ferrari 1:22.092 + 0:00.331 132
03 M.Uebber Red Bull Renault 1:22.466 + 0:00.705 97
04 R.Barrikello Williams Cosworth 1:22.637 + 0:00.876 105
05 M.Şumaher Mercedes GP Mercedes 1:22.892 + 0:01.131 89
06 N.Haydfeld Lotus Renault GP Renault 1:23.541 + 0:01.780 32
07 H.Kovalaynen Team Lotus Renault 1:23.990 + 0:02.229 40
08 V.Petrov Lotus Renault GP Renault 1:24.233 + 0:02.472 24
09 X.Algersuari Toro Rosso Ferrari 1:24.334 + 0:02.573 108
10 J.D’Ambrozio Marussia Virgin Cosworth 1:24.779 + 0:03.018 107
11 Y.Trulli Team Lotus Renault 1:27.336 + 0:05.575 96
12 A.Sutil Force İndia Mercedes 1:34.485 + 0:12.724 6
9 mart

bar-09.03-fet1

Quru. Buludlu. Havanın temperaturu +11°-18° C, trasın temperaturu +12°-26° C

Mövsümöncəsi testlərin sonuncu seriyasının Barselonada ikinci günü trasa 11 komanda çıxıb, Hispania komandasl isə yeni maşını ilə iki gündən sonra debüt etməlidir. Bu gün komandaların çoxu yarışı simulyasiya ediblər, ona görə sürücülər 100 dövrədən çox məsafə qət ediblər, amma sessiya bir neçə dəfə qırmızı bayraqlarla dayandırılıb.

bar-09.03-bue2
RB7-nin sükanı arxasında Mark Uebberi əvəz etmiş Sebastyan Fettel builki maşınlar üçün trasın yeni rekorduna imza atıb. Komanda Qran Prini simulyasiya edib və almaniyalı sürücü ən yaxşı nəticəsini nahara qədər sıralanma turu rejimində beşdövrəlik seriyada göstərib. Diter Mateşiçin yarış korporasiyasının uğurunu Toro Rosso-nun sürücüsü Sebastyen Buemi də davam etdirib – isveçrəli sürücü günün ən böyük məsafəsini qət edib (120 dövrə).

bar-09.03-pet3
Lotus Renault GP-nin rusiyalı sürücüsü Vitaliy Petrov günü üçüncü yerdə baaş vursa da, sessiyanın sonuna bir neçə dəqiqə qalmış trasda dayanaraq qırmızı bayraqları dalğalandırıb, çox güman ki, komanda yanacağın hansı məsafəyə çatmasını ölçürmüş.

Digər üç sürücü isə daha böyük problemlərlə üzləşiblər – Pastor Maldonado KERS-in problemləri üzündən demək olar ki, heç işləməyib, Lyuis Həmiltonun maşınında hidravlik sistemdə axıntı olub, Jerom D’Ambrozionun maşınında isə elektronika imtina eləyib, hər üç halda maşınlar trasda dayandığı üçün marşallar qırmızı bayraqları çıxarmalı olublar.

Nəticələr belə olub:

Yer Pilot Komanda Motor Vaxt Fərq Dövrə
01 S.Fettel Red Bull Renault 1:21.865 112
02 S.Buemi Toro Rosso Ferrari 1:22.396 + 0:00.531 120
03 V.Petrov Lotus Renault GP Renault 1:22.670 + 0:00.805 116
04 L.Həmilton McLaren Mercedes 1:22.888 + 0:01.023 57
05 F.Massa Ferrari Ferrari 1:23.324 + 0:01.459 101
06 P.di Resta Force İndia Mercedes 1:24.334 + 0:02.469 118
07 K.Kobayaşi Sauber Ferrari 1:24.436 + 0:02.571 107
08 N.Rosberq Mercedes GP Mercedes 1:25.807 + 0:03.942 100
09 Y.Trulli Team Lotus Renault 1:26.090 + 0:04.225 98
10 P.Maldonado Williams Cosworth 1:26.989 + 0:05.124 29
11 J.D’Ambrozio Marussia Virgin Cosworth 1:28.982 + 0:07.117 64
8 mart

bar-08.03-ueb1

Hərdən qısamüddətli yağışlar. Buludlu. Havanın temperaturu +11°-16° C, trasın temperaturu +12°-20° C

Mark Uebber mövsümöncəsi testlərin sonuncu seriyasının birinci günü RB7-nin sükanı arxasında ən yaxşı nəticə göstərərək çempion komandanın əla formada olmasını sübut edib.

Düzdür, son dəqiqələrdə çempionatın debütantı Serxio Peres Markın nəticəsini 1.5 saniyə yaxşılaşdırıb, amma məlum olub ki, gənc sürücü döngələrdən birini kəsib – Sauber sürücüsünün bu nəticəsi ləğv olunub, amma o dördüncü yerdə qəlıb. Peres bu nəticəsini boş baklarla bir sürətli dövrədə göstərib, Mark isə ən yaxşı nəticəsini göstərdiyi seriyada 7 dövrə vurub.

Səkkiz komandanın iştirak etdiyi testlər yağışlı və soyuq havada keçib, gün ərzində bir neçə dəfə qısamüddətli kiçik yağış yağıb. Trasda üç ehtiyat sürücü ilə birlikdə on bir sürücü çalışıb.

bar-08.03-bat2
Censon Batton ikinci olub. McLaren səhər tezdən hamını təəccübləndirib – maşının düz burnunda ön antiqanada dörd trosla bərkidilmiş yarımkürə peyda olub, axşam məlum olub ki, bu sferanın altında məlumat toplamaq üçün cihaz yerləşdirilibmiş. Censon da öz nəticəsini boş baklarla bir sürətli dövrədə göstərib – yarışın simuyasiyası zamanı onun sürəti kəskin dərəcədə fərqli olub. Xəstələnmiş Nik Haydfeldi nahardan sonra Vitaliy Petrov əvəz edib və protokollarda üçünü yeri tutub. Haydfeld isə Peersdən sonra beşinci yerə düşüb.

Sessiya bir neçə dəfə qırmızı bayraqlarla dayandırılıb: səhər tezdən Sebastyen Bueminin STR6-sı texniki problemlər üzündən trasda dayanıb. Fasiləyə 15 dəqiqə qalmış Valsekki çınqıllığa səyahət edib. Sessiyanın sonunda isə Team Lotus-un digər ehtiyat sürücüsü Luis Razia maşını trasda saxlayıb…

Nəticələr belə olub:

Yer Pilot Komanda Motor Vaxt Fərq Dövrə
01 M.Uebber Red Bull Renault 1:22.544 97
02 C.Batton McLaren Mercedes 1:22.910 + 0:00.366 74
03 V.Petrov Lotus Renault GP Renault 1:22.937 + 0:00.393 27
04 S.Peres Sauber Ferrari 1:24.117 + 0:01.573 90
05 N.Haydfeld Lotus Renault GP Renault 1:24.735 + 0:02.191 20
06 P.di Resta Force İndia Mercedes 1:25.039 + 0:02.495 38
07 D.Valsekki Team Lotus Renault 1:25.406 + 0:02.862 50
08 S.Buemi Toro Rosso Ferrari 1:26.004 + 0:03.460 48
09 N.Hülkenberq Force İndia Mercedes 1:26.030 + 0:03.486 31
11 L.Razia Team Lotus Renault 1:26.723 + 0:04.179 29
10 J.D’Ambrozio Marussia Virgin Cosworth 1:32.060 + 0:09.516 57

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*