24 Noyabr 2017, Cümə - 09:43

Barselona, 07.03.2017

Barselona, 07.03.2017

Müəllif: Elçin Zodorov, redaktor

21:18 - 07 Mart, 2017

Barselonada mövsümöncəsi ikinci testlərin ilk günündə hava isti olub – temperatur +20 dərəcəyə, asfaltın istiliyi +30 dərəcəyə qədər yüksəlib. Ayın sonunda Melburnda da bizi belə hava gözləyir.

F-1.az bildirir ki, havanın istiliyi təkərlərə də təsir edib. Keçən həftəki testlərdə eyni təkərlərlə daha uzun məsafə qət etmək mümkün idi, bu dəfə isə aşınma daha çox olub. Komandalar ilk testlərdə daha çox etibarlılığı yoxlayırdılar, indi isə tədricən sürətli dövrələrə diqqət yetirməyə başlayıblar. Yenə də testlərdə əsas prioritet qət edilən məsafədir.

Günün problemsiz keçdiyini demək mümkün deyil. Ferrari yeganə komandadır ki, bu il hələ heç bir problemlə qarşılaşmayıb. Sebastyan Fettel bu gün ən çox dövrə vuran sürücülərdən biri olub.

Üç komanda gün ərzində hər iki sürücünün köməyindən istifadə edib. Lyuis Həmilton bugünkü testlərdən tam razı qalmayıb, nahardan sonra onu Valtteri Bottas əvəzləyib. Keçən həftə zədəsinə görə testlərə qoşulmayan Paskal Verlyayn bu gün ilk dəfə yeni C36-nın sükanı arxasında əyləşib, günün ikinci hissəsində isə Markus Eriksson komandanın proqramını davam etdirib. Renault-da isə Colion Palmeri Niko Hülkenberq əvəzləyib.

Düzdür, Palmer çox işləyə bilməyib – 15 dövrədən sonra onun maşını pit-leyndə dayanıb. Cihazlardan birindəki problemə görə maşının güc qurğusu məcburi dəyişdirilib. Daha bir güc qurğusu dəyişikliyi isə McLaren-də baş verib. Mövsüm ərzində hər bir sürücüyə dörd güc qurğusundan istifadəyə icazə veriləcək, lakin komanda Barselonada beş gün ərzində üçüncü dəfə dəyişiklik etməli olub. Bu da bir neçə saatlıq vaxt itkisi ilə nəticələnib.

İlk test həftəsində istədiyi məsafəni qət edə bilməyən Williams üçün günü uğurlu hesab etmək olar – Felipe Massa FW40 ilə 168 dövrə vurub. Bu da həm maşının etibarlılığını, həm də Felipenin fiziki hazırlığını təsdiqləyib. Səhər sıralanma turu rejimində işləyən braziliyalı vurduğu dövrə ilə protokollara başçılıq edib. Onun SuperSoft-la göstərdiyi nəticə Valtteri Bottasın ilk testlərdəki nəticəsinə cüzi uduzub.

Günün sonunda isə sessiya qırmızı bayraqlarla dayandırılıb. Buna səbəb Hülkenberqin maşınının trasda dayanması olub. Sabah testlər davam edəcək. Əksər komandalarda sürücü dəyişikliyi olacaq…

YerNSürücüKomandaZamanFərqDövrəTəkər
119Felipe MassaWilliams1:19.726168SuperSoft
23Daniel RikkardoRed Bull1:19.900+ 0:00.17489UltraSoft
35Sebastyan FettelFerrari1:19.906+ 0:00.180168Soft
444Lyuis HəmiltonMercedes AMG1:20.456+ 0:00.73049Soft
577Valtteri BottasMercedes AMG1:20.924+ 0:01.19886Soft
631Esteban OkonForce İndia1:21.347+ 0:01.621142SuperSoft
727Niko HülkenberqRenault1:21.589+ 0:01.86357Soft
820Kevin MaqnussenHaas1:21.676+ 0:01.95081Soft
926Daniil KvyatToro Rosso1:21.743+ 0:02.01783SuperSoft
102Stoffel VandornMcLaren1:22.537+ 0:02.81180Soft
1194Paskal VerlyaynSauber1:23.336+ 0:03.61047Soft
129Markus ErikssonSauber1:23.630+ 0:03.90453Soft
1330Colion PalmerRenault1:24.790+ 0:05.06415Soft

Son Xəbərlər

İnformasiya

Bölüm Testlər
Mənbə
Baxış Sayı 5. 283
Teqlər , , , , ,
Paylaş

logo