Barselona, 02.03.2016, nahara qədər ilkin nəticələr

Mövsümöncəsi testlər artıq başa çatmaq üzrədir, komandalar çox gərginq rafik və məhsuldar proqramlar üzrə işlərini davam etdirirlər. Bəzi komandalar sıralanma turu və yarışı imitasiya edirlər. Bu 3 gün hansısa sürücü üçün sonuncu test günü olacaq. Bu gün test hazırlığını Valtteri Bottas və Kevin Maqnussen başa vuracaq. Onlar bir də sükan arxasına Melburnda keçəcəklər...

F-1.az bir daha bildirir ki, Mercedes AMG komandası ənənəyə sadiq qalaraq günü sürücüləri arasında bölüb – dünənkindən fərqli olaarq bu dəfə Həmilton nahara qədər işləyib, Nahardan sonra onu Rosberq əvəz edəcək.

Red Bull komandasının rəhbərliyi bu gün Daniel Rikkardonun RB12-nin sükanı arxasında işini diqqətlə izləyib – avtodroma Diter Mateşiç və Helmut Marko gəliblər. Səhər Rikkardo mexaniklərlə pit-stop prosedurunu məşq edib – bir saatdan sonra avstraliyalı sürücü uzun məsafələrdə işləməyə başlayıb.

Haas komandası yanacaq sistemindəki problem üzündən dünən nahardan sonra trasda işləyə bilməmişdi, bu gün səhər isə turbində problemlər üzə çıxıb. Keçən həftə yeni maşının debütü uğurlu görünsə də, bu həftə komanda yeni maşınla “doyunca” işləyə bilməyib.

Dünən mövsümdə debüt etmiş Sauber maşını yaxşı təsir bağışlasa da, Eriksson yalnız nahar fasiləsinə az qalmış boksu tərk edə bilib.

Uzun müddət protokollara Fettel başçılıq edib – Ferrari-nin sürücüsü Medium təkərlərlə uzun dövrələr seriyasında çalışıb, sonra ən yaxşı nəticəni SuperSoft tkərlərlə Maqnussen göstərib – Renault sıralanma turunu imitasiya edib, yekunda isə Həmilton protokollarda ilk sətri zəbt edib – britaniyalı sürücü Soft təkərlərlə sıralanma turu rejimində işləyib.

Nahar fasiləsindən sonra testlər davam edəcək…

Sürücü Komanda Zaman Fərq Dövrə
1. L.Həmilton Mercedes AMG 1:23.622 71
2. K.Maqnussen Renault 1:23.933 + 0:00.311 54
3. S.Fettel Ferrari 1:24.611 + 0:00.989 63
4. V.Bottas Williams 1:25.151 + 0:01.529 57
5. C.Batton McLaren 1:25.183 + 0:01.561 45
6. D.Rikkardo Red Bull 1:25.235 + 0:01.613 42
7. K.Sayns Toro Rosso 1:25.300 + 0:01.678 59
8. S.Peres Force İndia 1:26.188 + 0:02.566 58
9. P.Verlyayn Manor 1:27.064 + 0:03.442 40
10. M.Eriksson Sauber 1:30.309 + 0:06.687 7
11. E.Qutyerres Haas  – 1
, ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*