16 Dekabr 2017, Şənbə - 01:24

Bakıda Formula1 yarışının iyulda olmasından razıdırlar

Bakıda Formula1 yarışının iyulda olmasından razıdırlar

Müəllif: Rəhim N.Əliyev, baş redaktor

15:20 - 29 İyul, 2015

Gələn il ölkəmizdə baş tutacaq Avropa Qran Prisinin promouteri (təşkilatçısı) Baku Grand Prix MMC-nin başçısı Arif Rəhimov Championat.Com resursunun müxbiri […]

Gələn il ölkəmizdə baş tutacaq Avropa Qran Prisinin promouteri (təşkilatçısı) Baku Grand Prix MMC-nin başçısı Arif Rəhimov Championat.Com resursunun müxbiri Svetlana Ameliçkinaya müsahibə verib. Bir daha xatırladaq ki, Formula1 üzrə 67-ci dünya çempionatının Bakı mərhələsi gələn ilin təqviminə əsasən iyulun 15-17-də keçiriləcək, yəni Avstriya Qran Prisindən 2 həftə sonra və Almaniya Qran Prisindən 2 həftə əvvəl. “Formula1 Azərbaycanda” (www.F-1.az) saytı həmin müsahibəni diqqətinizə çatdırır…

Arif Rəhimov: “Mən lap əvvəldən Formula1-in kommersiya başçısı Berni Ekklstoundan xahiş etmişdim ki, bizim yarış üçün yayda vaxt ayırsın. Yarış şəhərin mərkəzində olacaq, məhz yayda şəhərin mərkəzi daha boş olur. Ona görə də loqistika baxımından hər şeyi təşkil etmək çox asan olacaq.

Bakıda iyul ayında temperatur adətən +30-32 dərəcə olur, yəni hava şəraiti bir neçə gün əvvəl baş tutmuş Macarıstan Qran Prisinə oxşar olacaq. Axşama yaxın hava +25 dərəcə olacaq. Ona görə də isti olacaq. Yeri gəlmişkən, biz müxtəlif təklifləri də müzakirə edirik, məsələn, tribunalara bilet almış azarkeşlərə tribunaların girişində sadəcə qulaqlıq deyil, həm də günəş şüalarından qorunmaq üçün kremlər də paylayacayıq. Çalışacayıq ki, tamaşaçılar gələn illərdə də Bakıya gəlsinlər.

Təqvimdəki yerimizi nəzərə alsaq, tribunaların yuxarısına talvar quraşdırmalı olacayıq ki, tamaşaçılarımızı qoruyaq. Biz istəyirik ki, yarışı yüksək səviyyədə keçirək. Elə bir sistem hazırlayırıq ki, hər bir Qran Pri iştirakçısını razı salaq – həm tamaşaçıları, həm mətbuatı, həm komandaları, həm FOM-u (Formula One Managment), həm də digər avtomobil federasiyalarını. Əsas məqsədimiz hamını xoşbəxt etmək və onları gələn il yenidən Bakıya qaytarmaqdır…”


Son Xəbərlər

İnformasiya

Bölüm Xəbərlər
Mənbə
Baxış Sayı 213
Teqlər , , , , , , ,
Paylaş

logo