11 Dekabr 2017, Bazar ertəsi - 17:10

Bakı trası FİA-nın təftişini gözləyir

Bakı trası FİA-nın təftişini gözləyir

Müəllif: Rəhim N.Əliyev, baş redaktor

16:11 - 31 İyul, 2015

Gələn il ölkəmizdə Formula1 üzrə dünya çempionatının debüt yarışının keçirilməsinə artıq bir ildən az vaxt qalır. Avropa Qran Prisinin təşkilatçısı […]

Gələn il ölkəmizdə Formula1 üzrə dünya çempionatının debüt yarışının keçirilməsinə artıq bir ildən az vaxt qalır. Avropa Qran Prisinin təşkilatçısı olan Baku Grand Prix MMC-nin başçısı Arif Rəhimov MotorSport.Com resursuna bildirib ki, trasın konfiqurasiyası üzrə işlər başa çatdırılıb və təşkilatçılar FİA-nın nümayəndələrinin son təftişinə hazırdırlar. “Formula1 Azərbaycanda” (www.F-1.az) saytı müsahibəni diqqətinizə çatdırır…

Arif Rəhimov: “Trasın konfiqurasiyası üzrə işləri başa çatdırmışıq. Sadəcə bəzi detalları dəqiqləşdirmək qalıb – məsələn, bəzi döngələrdə qoruyucu hasarların yeri dəqiqləşdirilməlidir, buna isə əlavə vaxt lazımdır. Amma hazırda biz FİA-nın nümayəndələrini təftiş üçün gözləyirik. Keçən həftə biz Macarıstanda FİA-nın yarış direktoru Çarli Uaytinqlə görüşdük, vəziyyəti onunla müzakirə etdik. Bizim heç bir ciddi problemimiz yoxdur”.

Rəhimov hesab edir ki, Bakı trasında sürücülərin kifayət qədər ötmə etmək imkanı olacaq – “Bəli, birinci döngəyə uzun düzlük aparır. Bu döngə ötmə üçün əla imkandır. Trasın digər sahələrində də sürücülərin rəqiblərini qabaqlamaq imkanları olacaq…”

Rəhimov əlavə edib ki, Azərbaycanda Formula1-in populyarlaşdırılması üzrə də aktiv iş gedir: “İlk növbədə, biz Formula1-in ölkədə populyarlığını təmin etməliyik, eyni zamanda, mövsümün gedişində bir çox Qran Prilərə səfər edən azarkeşləri maraqlandırmalıyıq. Yəni birinci yarışa gələn azarkeşlər bir ildən sonra yenə də gəlmək istəsinlər. Ona görə də yarışın təşkilini maksimum səviyyədə həyata keçirməliyik. İkinci növbədə, biz ölkəmizdə bu idmanın populyarlığını artırmaq üzrə proqram işləyib hazırlamalıyıq, çünki hazırda ölkəmizdə avtoidman mədəniyyəti yoxdur…”


Son Xəbərlər

İnformasiya

Bölüm Xəbərlər
Mənbə
Baxış Sayı 193
Teqlər , , , , ,
Paylaş

logo