16 Dekabr 2017, Şənbə - 01:43

B.Ekklstoun daha 1 il idmanda qalmaq istəyib

B.Ekklstoun daha 1 il idmanda qalmaq istəyib

Müəllif: Rauf Hacıyev, redaktor

12:19 - 20 Mart, 2017

Formula1-in sabiq rəhbəri Berni Ekklstoun bildirib ki, Liberty Media onu məyus etməyib, amma daha 1 il də rəhbər vəzifəsində qalmaq istəyibmiş.

F-1.az xatırladır ki, yanvar ayında Liberty Media şirkəti Formula1-i satın almış və Ekklstounu vəzifəsindən uzaqlaşdırmışdı. Britaniyalını Çeyz Keri, Ross Braun və Şon Bratçes əvəz ediblər.

Berni Ekklstoun: “Avtomobili aldılar və özləri sürmək istədilər. Liberty Media-ya və Çeyz Keriyə qarşı pis hisslərim yoxdur. Builki 20 yarışın yarısında iştirak etməyi planlaşdırıram.

Məyus deyiləm. Dünyanın necə işlədiyini bilirəm. Onların etdikləri dəyişiklikləri mən etməzdim. Mən onlarla 1 il işləmək istərdim. Əgər işlər yaxşı getməsəydi, ayrılardım. Amma insanlar şirkətləri fərqli formada işlədirlər. Amerikalı şirkətlət belə işləmək istəyirlər. Aldılar və özləri idarə etmək istədilər.

İnsanlar son 3 ildə pis işlədiyimi deyirlər. Amma mən də, CVC Capital da elə düşünmürük. İlə 1.5 milyard gəlir əldə etdim. Buna görə də onların səhmləri baha oldu. Pis işləsəydim, səhmlər ucuz satılardı”.


Son Xəbərlər

İnformasiya

Bölüm Xəbərlər
Mənbə
Baxış Sayı 2. 789
Teqlər , , , ,
Paylaş

logo