21 Sentyabr 2017, Cümə axşamı - 12:43

Azərbaycan-2017: Maraqlı statistika

Azərbaycan-2017: Maraqlı statistika

Müəllif: Elçin Zodorov, redaktor

10:15 - 26 İyun, 2017

Azərbaycan Qran Prisindən sonra məşhur ekspert Mikele Merlino maraqlı statistik məlumatlar hazırlayıb. F-1.az bu məlumatları sizin nəzərinizə çatdırır…

SIRALANMA TURU

Lyuis Həmilton Bakıda 66-cı poulunu qazanıb və Ayrton Sennanı qabaqlayıb. Mixael Şumaxerin 68 poulluq rekorduna çatmaq üçün daha iki dəfə sıralanma turunda hamını üstələmək lazımdır.

Cari mövsümdə ikinci dəfə Mercedes AMG komandası startda ilk cərgəni zəbt edib – Bakıdakının əksinə, Saxirdə pouldan başlayan Valtteri Bottas olmuşdu.

Kimi Rəykkönen bu mövsüm ilk dəfə sıralanma turunda üçüncü yeri tutub.

Sıralanma turunda yeddinci olan Esteban Okon və səkkizinci olan Ləns Stroll karyeralarında ən yaxşı nəticələri göstəriblər. Ləns ilk dəfə komanda yoldaşı Felipe Massanı qabaqlayıb.

 

YARIŞ

Daniel Rikkardo karyerasında 5-ci qələbəsini qazanıb. Bu qələbələrin hamısı müxtəlif traslarda əldə edilib. Maraqlıdır ki, Rikkardo finiş xəttini birinci keçdiyi heç bir yarışa ilk üçlükdən başlamayıb.

Yarışda ikinci olan Valtteri Bottas karyerasında 14-cü dəfə podiuma yüksəlib.

Yarışı üçüncü yerdə başa vuran Ləns Stroll Formula1 tarixində podiuma yüksəlməyi bacarmış 208-ci sürücü olub. Ləns ata və oğul Vilnövlərdən sonra buna nail olan üçüncü kanadalıdır. Kanadalı sürücülər sonuncu dəfə 16 il əvvəl – 2001-ci ildə keçirilən Almaniya Qran Prisində podiuma yüksəlmişdilər. Jak Vilnöv həmin yarışda üçüncü olmuşdu.

Ləns Stroll 18 yaş 239 günlük olarkən podiuma yüksəlib və bunu bacaran ən gənc ikinsi sürücü olub – Maks Ferstappen keçən il İspaniyada qalib gələndə 18 yaş 228 günlük idi. Ləns həm də debüt mövsümündə podiuma yüksələn ən gənc sürücü olub.

SıraSürücüYaşYarış
1Maks Ferstappen18 yaş 228 günİspaniya, 2016-cı il
2Ləns Stroll18 yaş 239 günAzərbaycan, 2017-ci il
3Sebastyan Fettel21 yaş 73 günİtaliya, 2008-ci il
4Daniil Kvyat21 yaş 91 günMacarıstan, 2015-ci il
5Kevin Maqnussen21 yaş 162 günAvstraliya, 2014-cü il
6Fernando Alonso21 yaş 237 günMalayziya, 2003-cü il
7Robert Kubitsa21 yaş 278 günİtaliya, 2006-cı il
8Ralf Şumaxer21 yaş 287 günArgentina, 1997-ci il
9Elio de Ancelis21 yaş 307 günBraziliya, 1980-ci il
10Bryus MakLaren21 yaş 322 günBöyük Britaniya, 1959-cu il

Ləns Strollun podiumu Williams komandası üçün ötən il Kanadada Valtteri Bottasn əldə etdiyi podiumdan sonra ilk olub.

Bakıdakı podium sürücülərin ümumi yaşına görə (Rikkardo 27, Bottas 27, Stroll 18) Formula1 tarixində ən gənc 8-ci podium olub.

Sebastyan Fettel ardıcıl ikinci yarışda da podiuma yüksələ bilməyib və 4-cü olub. Azərbaycan Qran Prisi Lyuis Həmiltonun cari mövsümdə podiuma yüksələ bilmədiyi üçüncü yarış olub. Lakin onlar geridə qalan səkkiz yarışın hamısında xal qazanan yeganə sürücülərdir.

Esteban Okon ardıcıl ikinci yarışda 6-cı olub. Force İndia-nın sürücüsü çox sabit çıxış edir və bu il Monako Qran Prisi istisna olmaqla, bütün yarışlarda xal qazana bilib.

Fernando Alonso 9-cu yeri tutaraq komandasına cari mövsümdə ilk xallarını qazandırıb. Azərbaycan Qran Prisi cari mövsümdə hər iki McLaren sürücüsünün finişə çatdığı ilk yarış olub. Xatırladaq ki, Fernando Kanadada son dövrələrdə yarışı dayandırmalı olmuşdu.

Maks Ferstappen son 6 yarışda 4-cü dəfə finişə çata bilməyib.

Renault-nun hər iki sürücüsü yarışı yarımçıq saxlayıb və bu, cari mövsümdə komanda üçün ilk belə haldır. Renault Bakıda xal qazana bilməyən yeganə komanda olub – ilk onluğa düşən sürücülər 9 müxtəlif komandada çıxış edirlər.


Son Xəbərlər

İnformasiya

Bölüm Xəbərlər
Mənbə
Baxış Sayı 14. 028
Teqlər , , , ,
Paylaş

logo