15 Dekabr 2017, Cümə - 22:02

Avstriya-2017: Yarış

Avstriya-2017: Yarış

Müəllif: Elçin Zodorov, redaktor

18:02 - 09 İyul, 2017

Şpilberqdə cümə günündən etibarən tribunaların əksəriyyəti dolmuşdu. Hava bu dəfə proqnozları doğrultmayıb. Həftəsonu boyunca isti hava müşahidə edilib. Bu günə yağış yağacağı bildirilsə də yenə hava şəraiti əla olub.

Keçən il xüsusilə Red Bull sürücüləri sarı porebriklərdən şikayət etmişdilər. On santimetr hündürlüyü olan bu porebriklər hətta asılqanların qırılmasına da səbəb olurdu. Bu il isə onların yerində bir qədər dəyişiklik edildiyindən, ciddi insident yaşanmayıb.

Bottas dünən karyerasında ikinci poulu qazanmışdı, ona cüzi uduzan Fettel isə ikinci olmuşdu. Üçüncü nəticə göstərən Həmiltonu isə ötürmələr qutusunu dəyişdiyi üçün 5 sıra cəza gözləyirdi və britaniyalı səkkizinci yerdən start almalı olmuşdu. Start düzlüyündə isə onun yerini Rəykkönen tutmuşdu. Verlyaynın maşınında güc qurğusu dəyişdirildiyindən, yarışa pit yolundan başlamalı idi.

Pirelli Avstriyaya yumşaq üçlüyü – Soft, SuperSoft və UltraSoft tərkibləri gətirib. Burada tərkiblər arasındakı fərq gözləniləndən az olub. Həmilton fərqli strategiya seçib və ilk onluqda yarışa SuperSoft-la başlayan yeganə sürücü olub. Lyuisdən başqa Hülkenberq, Maqnussen, Stroll və Verlyayn da SuperSoft-la start alıblar. Palmer və Massa isə Soft-la başlayıblar.

Bottas əla start alıb. Rəqibləri onun yerindən vaxtından əvvəl tərpənməsindən şübhələniblər. FİA növbəti dəqiqələrdə məsələni araşdırsa da, qayda pozuntusu tapmayıb. Ferstappen və Sayns startda ləngiyiblər. İlk döngədə Kvyat Alonsoya, o da Ferstappenə çırpılıb və nəticədə hər iki sürücü yarış xarıcı qalıb. Rusiyalı sürücü isə pit-stop etməli olub və mübarizəni davam etdirib. Rəykkönen iki mövqe itirsə də, tezliklə Qrojanı qabaqlaya bilib, amma Rikkardoya çata bilməyib. 2-ci dövrədən sonra ilk onluq belə olub: Bottas – Fettel – Rikkardo – Rəykkönen – Qrojan – Peres – Həmilton – Okon – Massa – Stroll.

Həmilton 6-cı dövrədə Peresi, 8-ci dövrədə isə Qrojanı keçib. Kvyata startdakı insidentə görə pitdən keçmək cəzası verilib və rusiyalı sürücü cəzasını çəkdikdən sonra trasa sonuncu yerdə qayıdıb. Bottas Fettellə fərqi artırıb, 16-cı dövrədə Hülkenberq pit-stopa gedib. Həmilton Rəykkönenə çatsa da, sürətlər arasındakı fərq az olduğundan, hücum imkanı əldə etməyib. 30-cu dövrədə Maqnussenin maşınında hidravlik problem yaranıb və Haas sürücüsü boksa qayıdaraq mübarizəni dayandırıb. 32-ci dövrədən sonra ilk onluq belə olub: Bottas – Fettel – Rikkardo – Rəykkönen – Həmilton – Qrojan – Peres – Okon – Massa – Stroll.

Həmilton 32-ci dövrədə təkərlərini dəyişib. Ferrari isə Rəykköneni trasda saxlayıb. Növbəti dövrələrdə sürücülərin əksəriyyəti pit-leynə yollanıblar. Lider Bottas isə yalnız 42-ci dövrədə pit-stop edib. Ön təkər vaxtında taxılmadığından bir qədər vaxt itirən Valtteri trasa Rəykkönenin arxasında qayıtsa da, tezliklə onu keçib. Rəykkönenə göy bayraqlar altında vaxtında yol verməyən Vandorna pit-leyndən keçmək cəzası verilib. Ferrari-nin finlandiyalı sürücüsü nəhayət, 46-cı dövrədə pitə yollanıb. Sayns da mexaniki problemlər üzündən yarışı dayandırıb. 32-ci dövrədən sonra ilk onluq belə olub: Bottas – Fettel – Rikkardo – Həmilton – Rəykkönen – Qrojan – Peres – Okon – Massa – Stroll.

Yarışın son dövrələrində Həmilton Rikkardoya, Fettel isə Bottasa çatıb. Lakin çempionatın liderlərinin hücum cəhdləri heç bir nəticə verməyib. Bottas mövsümdə və karyerasında ikinci qələbəsini əldə edib. İkinci olan Fettel çempionatda Həmiltonla olan xal fərqini daha da artırıb. Rikkardo isə finiş xəttini üçüncü yerdə keçərək ardıcıl beşinci yarışda da podiuma yüksələ bilib.

Növbəti yarış isə gələn həftəsonu keçiriləcək. İştirakçılar artıq bu gündən etibarən vaxt itirmədən Formula1-in ilk yarışının keçirildiyi tarixi və əfsanəvi məkana – Silverstouna yola düşəcəklər.

YerNSürücüKomandaZaman/FərqPit
177Valtteri BottasMercedes AMG1:21:48.5231
25Sebastyan FettelFerrari+ 0:00.6581
33Daniel RikkardoRed Bull+ 0:06.0121
444Lyuis HəmiltonMercedes AMG+ 0:07.4301
57Kimi RəykkönenFerrari+ 0:20.3701
68Roman QrojanHaas+ 1:13.1601
711Serxio PeresForce İndia+ 1 dövrə1
831Esteban OkonForce İndia+ 1 dövrə1
919Felipe MassaWilliams+ 1 dövrə1
1018Ləns StrollWilliams+ 1 dövrə1
1130Colion PalmerRenault+ 1 dövrə1
122Stoffel VandornMcLaren+ 1 dövrə2
1327Niko HülkenberqRenault+ 1 dövrə1
1494Paskal VerlyaynSauber+ 1 dövrə1
159Markus ErikssonSauber+ 2 dövrə1
1626Daniil KvyatToro Rosso+ 3 dövrə3

 

Sürətli dövrə: Lyuis Həmilton (Mercedes AMG) – 1:07.411 (57-ci dövrə, 280.919 km/saat).

 

MÜBARİZƏNİ DAYANDIRANLAR:

SürücüKomandaDövrəSəbəb
Karlos SaynsToro Rosso45mexaniki problem
Kevin MaqnussenHaas30hidravlika
Maks FerstappanRed Bull1qəza
Fernando AlonsoMcLaren1qəza

 

SÜRÜCÜLƏRİN ÇEMPİONATI:

YerNSürücüÖlkəKomandaXal
15Sebastyan FettelScuderia Ferrari171
244Lyuis HəmiltonMercedes AMG Petronas F1 Team151
377Valtteri BottasMercedes AMG Petronas F1 Team136
43Daniel RikkardoRed Bull Racing107
57Kimi RəykkönenScuderia Ferrari83
611Serxio PeresSahara Force İndia F1 Team50
733Maks FerstappenRed Bull Racing45
831Esteban OkonSahara Force İndia F1 Team39
955Karlos SaynsScuderia Toro Rosso29
1019Felipe MassaWilliams Martini Racing22
1118Ləns StrollWilliams Martini Racing18
1227Niko HülkenberqRenault Sport Formula 1 Team18
138Roman QrojanHaas F1 Team18
1420Kevin MaqnussenHaas F1 Team11
1594Paskal VerlyaynSauber F1 Team5
1626Daniil KvyatScuderia Toro Rosso4
1714Fernando AlonsoMcLaren Honda Formula 1 Team2

 

MÜHƏNDİSLƏR KUBOKU:

YerKomandaMotorXal
1Mercedes AMG Petronas F1 TeamMercedes287
2Scuderia FerrariFerrari254
3Red Bull RacingTAG Heuer152
4Sahara Force İndia F1 TeamMercedes89
5Williams Martini RacingMercedes40
6Scuderia Toro RossoRenault33
7Haas F1 TeamFerrari29
8Renault Sport Formula 1 TeamRenault18
9Sauber F1 TeamFerrari5
10McLaren Honda Formula 1 TeamHonda2

Son Xəbərlər

İnformasiya

Bölüm Xəbərlər
Mənbə
Baxış Sayı 7. 873
Teqlər , , , ,
Paylaş

logo