24 Oktyabr 2017, Çərşənbə axşamı - 15:03

Avstraliya-2017: Sıralanma Turu

Avstraliya-2017: Sıralanma Turu

Müəllif: Elçin Zodorov, redaktor

11:29 - 25 Mart, 2017

Qış testlərindən sonra komandaların rəsmiləri və sürücüləri yeni mövsüm və güc nisbətləri barədə ehtiyatlı danışırdılar. Lyuis Həmilton cümə günü rəqiblərini yarım saniyə üstələmişdisə də, bu gün səhər Sebastyan Fettel protokollara başçılıq edib. Fettelin trasın yeni rekordunu müəyyən edən dövrəsi rəqiblərinin ən yaxşı nəticələrindən yarım saniyə sürətli olub.

F-1.az xəbər vermişdi ki, Williams-ın gənc sürücüsü Ləns Stroll debüt yarışında startda beş yer itirəcək. Buna səbəb Lənsin üçüncü sərbəst yürüşlərdəki qəzasından sonra ötürmələr qutusunun dəyişdirilməsi olub. Biz həm də Paskal Verlyayn yarışa hazır olmadığı üçün Antonio Covinatsinin C36-nın sükanı arxasına keçəcəyi barədə məlumat vermişdik. Antonio üçüncü sərbəst yürüşlərdən etibarən Paskalı əvəzləyir.

Pirelli Melburna ən yumşaq üçlüyü – Soft, SuperSoft və UltraSoft tərkibləri gətirib. Biz artıq məşqlərdən hətta UltraSoft təkərlərin də kifayət qədər dözümlü olduğunu müşahidə etmişik. Tərkiblər arasındakı fərqin isə təxminən 0.7 saniyə olduğu bildirilir.

Birinci sessiyada Ferrari sürücüləri SuperSoft, yerdə qalan bütün sürücülər isə UltraSoft təkərlərlə trasa çıxıblar. Stoffel Vandorn yanacaq sistemindəki problemə görə bir neçə dəfə boksa qayıtmalı olub, lakin sessiyanın sonunda vaxt göstərə bilib. Kimi Rəykkönen növbəti cəhdində UltraSoft-a keçib və ikinci nəticəni göstərib. Lyuis Həmilton sessiyanı lider kimi başa vurub – 1:24.191. Antonio Covinatsi, Kevin Maqnussen, Stoffel Vandorn, Ləns Stroll və Colion Palmer mübarizəni dayandırıblar.

İkinci sessiyada Valtteri Bottas ilk cəhdində ən sürətli olub – 1:23.215. İşlənmiş UltraSoft-la nəticə göstərən Lyuis ona cüzi fərqlə uduzub. Felipe Massa isə Serxio Peresin sürətli dövrəsinə mane olub. Serxio Peres, Niko Hülkenberq, Fernando Alonso, Esteban Okon və Markus Eriksson mübarizəni dayandırıblar.

Son sessiyada trasın 13-cü döngəsində az miqdarda yağış müşahidə edildiyindən sürücülər sliklərlə nəticə göstərmək üçün trasa tələsiblər. Daniel Rikkardo 14-cü döngədə idarəetməni itirərək qəza edib və sessiya qırmızı bayraqlarla dayandırılıb. Yağış yağmayıb və sürücülər sliklərlə davam ediblər. Həmilton trasın rekordunu yeniləyib – 1:22.188! Fettel son anda Bottası üstələyərək yarışa ilk cərgədən başlamağa haqq qazanıb. Rəykkönen isə dördüncü olub. Həftəsonu bütün seanslarda yaxşı təsir bağışlayan Haas-ın sürücüsü Roman Qrojan sıralanma turunu da yaxşı nəticə ilə tamamlayıb – altıncı yer. Ferstappen yalnız beşinci ola bilib.

Beləliklə, Lyuis karyerasının 62-ci poulunu qazanıb. Bu, həm də britaniyalının Albert Parkda ardıcıl dördüncü, ümumilikdə isə altıncı pouludur. Ferrari cümə günündən fərqli olaraq, yaxşı təsir bağışlayır. Bizi sabah startdan finişə qədər gərgin mübarizə gözləyir…

YerNSürücüKomanda1-ci sessiya2-ci sessiya3-cü sessiya
YerZamanDövrəYerZamanDövrəZamanDövrə
144Lyuis HəmiltonMercedes AMG11:24.191521:23.25131:22.1886
25Sebastyan FettelFerrari81:25.210541:23.40161:22.4566
377Valtteri BottasMercedes AMG41:24.514411:23.21531:22.4816
47Kimi RəykkönenFerrari21:24.3521031:23.37631:23.0336
533Maks FerstappenRed Bull31:24.482761:24.09261:23.4855
68Roman QrojanHaas101:25.419881:24.71861:24.0743
719Felipe MassaWilliams71:25.099771:24.59761:24.4433
855Karlos SaynsToro Rosso111:25.5427101:24.99761:24.4873
926Daniil KvyatToro Rosso131:25.970791:24.86461:24.5123
103Daniel RikkardoRed Bull91:25.383551:23.98932
1111Serxio PeresForce İndia61:25.0647111:25.0816
1227Niko HülkenberqRenault51:24.9756121:25.0916
1314Fernando AlonsoMcLaren121:25.8729131:25.4256
1431Esteban OkonForce İndia141:26.00910141:25.5686
159Markus ErikssonSauber151:26.2369151:26.4656
1636Antonio CovinatsiSauber161:26.4198
1720Kevin MaqnussenHaas171:26.8477
182Stoffel VandornMcLaren181:26.8586
1918Ləns StrollWilliams191:27.1437
2030Colion PalmerRenault201:28.2447

Son Xəbərlər

İnformasiya

Bölüm Xəbərlər
Mənbə
Baxış Sayı 2. 508
Teqlər , , , , , , ,
Paylaş

logo