20 Noyabr 2017, Bazar ertəsi - 11:38

Almaniya Qran Prisi: Markes poulda, Lorenso isə asfaltda…

Almaniya Qran Prisi: Markes poulda, Lorenso isə asfaltda…

Müəllif: Rəhim N.Əliyev, baş redaktor

18:46 - 16 İyul, 2016

Honda komandasının kataloniyalı sürücüsü yaxın rəqibi olan Hektor Barberanı böyük üstünlüklə qabaqlayıb.

F-1.az xəbər verir ki, ikiqat dünya çempionu Mark Markes Almaniya Qran Prisinin sıralanma turunda mövsümün 4-cü, karyerasının isə 34-cü poulunu qazanıb.

İlk cəhdindən (1:21.581) protokollara başçılıq edən ispaniyalı sürücüyə Barbera ilk cəhdində çox cüzi uduzub, cəmi 0.052 saniyə. Üçüncü nəticə göstərmiş Valentino Rossi də cəmi 0.08 saniyə geridə qalıb.

Amma damalı bayraqlar altında göstərdiyi ikinci nəticəsi Markesin bu gün əlçatmaz olduğunu ortaya qoyub. İspaniyalı sürücü öz nəticəsini təxminən yarım saniyə yaxşılaşdırıb. Barbera öz nəticəsini bir qədər yaxşılaşdırıb və ikinci yerdə möhkəmlənib. Üçüncü yeri tamamlayan Rossi isə ikinci cəhdində nəticəsini yaxşılaşdıra bilməyib.

Danilo Petruççi həmyerlisinin nəticəsini təkrarlasa da, reqlamentə görə ikinci cərgədən start almalı olacaq. İlk altılığı isə Pol Esparqaro və Maverik Vinyales tamamlayıblar. Ducati-dən ən yaxşı nəticəni yeddinci olan Andrea Dovitsiozo göstərib. İlk onluğu isə Markesin komanda yoldaşı Dani Pedrosa tamamlayıb.

Sonuncu dünya çempionu Xorxe Lorenso isə sabah yarışa 11-ci yerdən başlayacaq. Məşqlərdə elə də yaxşı nəticələr göstərə bilməyən üçqat dünya çempionu sıralanma turuna ilk seqmentdən başlamalı olub. Qaydalara görə, ilk seqmentdə ən yaxşı iki yeri tutan sürücü poul uğrunda mübarizəyə qoşula bilər. Xorxe cəhdlərinin birində yıxılsa da, ikinci nəticə ilə mübarizəni davam etdirə bilib.

Həlledici seqmentdə isə Lorenso ancaq ilk cəhdində tam dövrə vura bilib, ikinci cəhdində isə yenə də yıxılıb – ispaniyalı sürücü iki gün ərzində 3 dəfə yıxılmaqla yadda qalıb. Yekun protokolada Xorxe çempionatda əsas rəqibinə təxminən bir saniyə uduzub…

YerSürücüMotosikletQ1Q2
1  Mark MarkesHonda1:21.160
2  Hektor BarberaDucati1:21.572
3  Valentino RossiYamaha1:21.666
4  Danilo PetruççiDucati1:21.7121:21.666
5  Pol EsparqaroYamaha1:21.738
6  Maverik VinyalesSuzuki1:21.784
7  Andrea DovitsiozoDucati1:21.858
8  Aleş EspargaroSuzuki1:21.883
9  Andrea YannoneDucati1:21.890
10  Dani PedrosaHonda1:21.892
11  Xorxe LorensoYamaha1:21.7371:22.088
12  Yonni HernandesDucati1:22.346
13  Kel KratçlouHonda1:21.783
14  Brədli SmitYamaha1:21.994
15  Skott ReddinqDucati1:22.236
16  Cek MillerHonda1:22.382
17  Ştefan BradlAprilia1:22.493
18  Yucin LavertiDucati1:22.567
19  Alvaro BautistaAprilia1:22.670
20  Loris BazDucati1:22.860
21  Tito RabatHonda1:23.075

Son Xəbərlər

İnformasiya

Bölüm MotoGP
Mənbə
Baxış Sayı 364
Teqlər , , ,
Paylaş

logo