21 Avqust 2018, Çərşənbə axşamı - 17:39

Almaniya-2018: Yarış

Almaniya-2018: Yarış

Müəllif: Elçin Zodorov, redaktor

18:57 - 22 İyul, 2018

Hokkenhaym avtodromu Sebastyan Fettelin doğma şəhəri Heppenhayma çox yaxındır, lakin alman sürücü bu trasda qələbə qazana bilməyib. O, əsas rəqibi Lyuis Həmiltonu onun vətənində məğlub edərək Hokkenhayma çempionatda 8 xal üstünlüklə gəlib.

F-1.az bildirir ki, həftəsonu Red Bull-un liderliyi ilə başlayıb – ilk məşq sessiyasında Rikkardo, ikincidə isə Ferstappen protokollara başçılıq edib. Dünən baş tutan üçüncü məşqlərdə isə yağış sürücülərə işləməyə imkan verməyib. Bir çox sürücünün nəticə göstərə bilmədiyi sessiyada Lekler hamıdan sürətli olub.

Sıralanma turu da maraqlı mübarizəyə səhnə olub. Birinci sessiyada problem yaşayan Həmilton poul uğrunda mübarizəyə qoşula bilməyib. Fettel mövsümdə beşinci dəfə poul qazanıb. Bottas ondan 0.2 saniyə geri qalaraq yarışa ilk cərgədən başlamağa haqq qazanıb. İkinci cərgəni Rəykkönen və Ferstappen, üçüncü cərgəni isə Haas sürücüləri tutublar.

Pirelli bura mövsümdə ilk dəfə Medium, Soft və SuperSoft üçlüyünü gətirib. Medium tərkiblə çox böyük məsafə qət etmək mümkün olsa da, sürət fərqi də az olmayıb. Buna görə də komandalar elə məşqlərdən digər iki tərkibə üstünlük veriblər. Alonso, Sirotkin, Eriksson, Həmilton, Hartli, Stroll, Vandorn və Qasli Soft, Rikkardo Medium, digər sürücülər isə UltraSoft təkərlərlə start alıblar.

Startda heç nə baş verməyib, Fettel liderliyini qoruyub, Hülkenberq Qrojanı, Həmilton isə Sirotkini keçib. 2-ci dövrədə ilk onluq: Fettel – Bottas – Rəykkönen – Ferstappen – Maqnussen – Hülkenberq – Qrojan – Peres – Sayns – Lekler.

Həmilton artıq dördüncü dövrədə Lekleri üstələyərək ilk onluğa yüksəlib. Rikkardo isə 4 mövqe qazanaraq 16-cı yerə çatıb. Lyuis 11-ci dövrəyə qədər Qrojan, Peres və Hülkenberqi də keçib. Üç dövrə sonra isə Maqnussenlə mübarizədən qalib ayrılaraq beşinci olub. Rəykkönen 15-ci dövrədə pit-stop edərək trasa Lyuisin düz qarşısında qayıdıb və yeni təkərlərlə ondan dərhal uzaqlaşıb.

Rikkardo Alonso və Lekleri qabaqlayıb. Hülkenberq 18-ci dövrədə təkərlərini dəyişib. 21-ci dövrədə Maqnussen, Sayns və Lekler, 22-ci dövrədə Qrojan, 23-cü dövrədə Peres pit-stop ediblər. Fettel 26-cı dövrədə pit yoluna çağrılıb və trasa Rəykkönenin arxasında qayıdıb. Okon 27-ci, Bottas isə 29-cu dövrədə pit-stop dalğasına qoşulub.

Rikkardo 29-cu dövrədə maşın güc itirdiyi üçün 11-ci döngədə təhlükəsizlik zonasında dayanıb. Həmin dövrədə komanda yoldaşı Ferstappen də təkərlərini dəyişib.

Fettel Rəykkönenina arxasında bir neçə dəfə əyləcə sərt basaraq təkərlərini bloka salıb, lakin hücum edə bilməyib. Mühəndis Kimiyə bir neçə dəfə daha köhnə təkərlərdə olduğunu bildirib. Finlandiyalı sürücü komanda yoldaşını önə buraxıb. Həmilton 43-cü dövrədə pit-stop edib və trasa beşinci yerdə qayıdıb. 43-cü dövrədə ilk onluq: Fettel – Rəykkönen – Bottas – Ferstappen – Həmilton – Maqnussen – Hülkenberq – Qrojan – Peres – Sayns.

44-cü dövrədə trasın bir hissəsinə yağış yağmağa başlayıb. Lekler və Alonso dərhal pit-stop ediblər və onların maşınlarına keçid təkərləri taxılıb. Üç dövrə sonra Ferstappen də eyni addımı atıb. Lakin trasın böyük hissəsi quru olduğundan, bu təkərlər çox böyük vaxt itkisinə səbəb olub və Lekler yenidən slikləra qayıdıb. Yağış təkəri ilə trasa çıxan Qasli, ardınca isə Alonso və Ferstappen də sliklərə keçməyə məcbur olublar. 50-ci dövrədə ilk onluq: Fettel – Rəykkönen –  Bottas – Həmilton – Ferstappen – Hülkenberq – Peres – Qrojan – Maqnussen – Sayns.

51-ci dövrədə Bottas ikinci yer uğrunda mübarizədə Rəykköneni üstələyib. Yağış bir qədər güclənib, Sayns və Stroll keçid təkərləri üçün pit-stop ediblər. Növbəti dövrədə Fettel 13-cü döngədə trasdan çıxıb və baryerlərə çırpılıb. Təhlükəsizlik maşını trasa çıxıb. Bottas, Qrojan, Hülkenberq və Maqnussen dərhal təkərlərini dəyişiblər. Rəykkönen isə bir dövrə sonra pit-stopa çağrılıb.

54-cü dövrədə Sirotkin yağ sızmasına görə, 55-ci dövrədə isə komanda yoldaşı Stroll əyləc probleminə görə mübarizəni dayandırıblar. TM arxasında ilk onluq: Həmilton – Bottas – Rəykkönen – Ferstappen – Hülkenberq – Peres – Okon – Eriksson – Qrojan – Sayns.

Sayns TM arxasında hücum etdiyi üçün 10 saniyə cəzalandırılıb. Restart 57-ci dövrədə verilib, Bottas komanda yoldaşını keçərək liderliyə yüksəlsə də, Lyuis dərhal yerini qaytara bilib. Bir neçə döngədən sonra komanda ondan sürətini bir qədər azaltmağı xahiş edib. Okon 62-ci dövrədə Eriksson və Qrojanı keçərək 7-ci yerə yüksəlib. Alonso 66-cı dövrədə boksa yönəlib və yarış onun üçün bir dövrə tez başa çatıb.

Lyuis Həmilton mövsümdə 4-cü, karyerasında 66-cı qələbəsini əldə edib. Bottas ikinci olaraq komandasına mövsümdə ikinci dublunu qazandırıb. Rəykkönen isə podiumun son pilləsində qərarlaşıb. Həmilton yenidən çempionatda liderliyə yüksəlib. Mercedes isə Mühəndislər Kubokunda liderliyi Ferrari-dən alıb.

Mübarizə gələn həftə Macarıstanda davam edəcək, ardınca çempionatın iştirikaçıları bir aylıq yay fasiləsinə yollanacaqlar.

YerNSürücüKomandaZaman/FərqPit
144Lyuis HəmiltonMercedes AMG1:32:29.8451
277Valtteri BottasMercedes AMG+ 0:04.5352
37Kimi RəykkönenFerrari+ 0:06.7322
433Maks FerstappenRed Bull+ 0:07.6543
527Niko HülkenberqRenault+ 0:26.6093
68Roman QrojanHaas+ 0:28.8713
711Serxio PeresForce İndia+ 0:30.5561
831Esteban OkonForce İndia+ 0:31.7501
99Markus ErikssonSauber+ 0:32.3621
1028Brendon HartliToro Rosso+ 0:34.1972
1120Kevin MaqnussenHaas+ 0:34.9193
1255Karlis Sayns*Renault+ 0:43.0693
132Stoffel VandornMcLaren+ 0:46.6172
1410Pyer QasliToro Rosso+1 dövrə2
1516Şarl LeklerSauber+1 dövrə3
1614Fernando AlonsoMcLaren+2 dövrə3

* – Sarı bayraqlar altında hücum etdiyi üçün nəticəsinə 10 saniyə əlavə olunub.

Sürətli dövrə: Lyuis Həmilton (Mercedes) – 1:15.545 (66-cı dövrə, 217.968 km/saat).

 

MÜBARİZƏNİ DAYANDIRANLAR:

SürücüKomandaDövrəSəbəb
Ləns StrollWilliams55əyləc
Sergey SirotkinWilliams54yağ sızıntısı
Sebastyan FettelFerrari52qəza
Daniel RikkardoRed Bull29güc qurğusu

 

SÜRÜCÜLƏRİN ÇEMPİONATI:

YerNSürücüÖlkəKomandaXal
144Lyuis HəmiltonMercedes AMG Petronas Motorsport188
25Sebastyan FettelScuderia Ferrari171
37Kimi RəykkönenScuderia Ferrari131
477Valtteri BottasMercedes AMG Petronas Motorsport122
53Daniel RikkardoAston Martin Red Bull Racing106
633Maks FerstappenAston Martin Red Bull Racing105
727Niko HülkenberqRenault Sport Formula 1 Team52
814Fernando AlonsoMcLaren F1 Team40
920Kevin MaqnussenHaas F1 Team39
1011Serxio PeresSahara Force İndia F1 Team30
1131Esteban OkonSahara Force İndia F1 Team29
1255Karlos SaynsRenault Sport Formula 1 Team28
138Roman QrojanHaas F1 Team20
1410Pyer QasliRed Bull Toro Rosso Honda18
1516Şarl LeklerAlfa Romeo Sauber F1 Team13
162Stoffel VandornMcLaren F1 Team8
179Markus ErikssonAlfa Romeo Sauber F1 Team5
1818Ləns StrollWilliams Martini Racing4
1928Brendon HartliRed Bull Toro Rosso Honda2

 

MÜHƏNDİSLƏR KUBOKU:

YerKomandaMotorXal
1Mercedes AMG Petronas MotorsportMercedes310
2Scuderia FerrariFerrari302
3Aston Martin Red Bull RacingRenault211
4Renault Sport Formula 1 TeamRenault80
5Sahara Force İndia F1 TeamMercedes59
6Haas F1 TeamFerrari59
7McLaren F1 TeamRenault48
8Red Bull Toro Rosso HondaHonda20
9Alfa Romeo Sauber F1 TeamFerrari18
10Williams Martini RacingMercedes4

Son Xəbərlər

İnformasiya

Bölüm Xəbərlər
Mənbə
Baxış Sayı 199
Teqlər , , , , , , ,
Paylaş

escort bayan maltepe escort kadıköy escort ataşehir escort maltepe escort ataşehir escort istanbul escort bayan istanbul escort
ucuz paykasa paykasa bozdurma
logo