F-1.az bildirir ki, Silverstounda olduğu kimi, Hokkenhaymda da poul qazanmağın böyük əhəmiyyəti yoxdur. Burada baş tutan son 10 yarışın yalnız dördündə ilk yerdən start alan sürücü qalib gələ bilib. Lakin mübarizə gərgin alınıb. Hər üç top komandanın sürücüləri poul uğrunda inamlı çıxış ediblər.
Pirelli Almaniyaya Medium və Soft təkərlərlə yanaşı, UltraSoft təkərləri gətirib. Cari mövsümdə bu üçlükdən yalnız Çində istifadə olunub. Tərkiblər arasında fərq böyük olub. Cümə günü isti havada UltraSoft-lar olduqca tez aşınıblar.
Birinci sessiyada bütün sürücülər UltraSoft təkərlərlə trasa çıxıblar. Rəykkönen ilk sessiyanın ən sürətlidi olub – 1:12.505. Həmiltonun maşınında hidravlik problemlər yaranıb və mühəndis ondan dayanmağı xahiş edib. Lyuis kokpiti tərk edərək maşını əli ilə itələyərək boksa gətirməyə çalışıb, lakin buna nail ola bilməyib. Britaniyalı poul uğrunda mübarizəni vaxtından əvvəl dayandırıb. Okon, Qasli, Hartli, Stroll və Vandorn növbəti mərhələyə keçə bilməyən sürücülər olublar.
İkinci sessiyada Ferstappen və Alonso ilk cəhdlərinə Soft təkərlərlə çıxıblar. Güc qurğusundakı dəyişikliklərə görə ən sondan start alacağı hələ dünəndən məlum olan Rikkardo bu sessiyada mübarizəyə qoşulmayıb. Eriksson çınqıllığa düşüb, lakin trasa qayıda bilib və boksa yönəlib. Asfalt çirklənib və təmizlənməsi üçün sessiya qırmızı bayraqlarla dayandırılıb. Fasilə 9 dəqiqə davam edib. Bütün sürücülər ikinci cəhdlərinə UltraSoft təkərlərlə çıxıblar. Ən yaxşı nəticəni Bottas göstərib – 1:12.152. Həmilton və Rikkardo ilə yanaşı, Alonso, Sirotkin və Eriksson da mübarizəni dayandırıblar.
Son sessiyada ilk cəhdlərdən sonra protokollara Fettel başçılıq edib – 1:11.539. Bottas onun nəticəsini yaxşılaşdırsa da, Fettel növbəti cəhddə daha sürətli olub – 1:11.212.
Beləliklə, Sebastyan Fettel mövsümdə beşinci, karyerasında isə 55-ci poulunu əldə edib. Ona 0.204 saniyə uduzan Valtteri Bottas isə ikinci olub. Yarışa ikinci sıradan Rəykkönen və Ferstappen, üçüncü sıradan isə Haas sürücüləri başlayacaqlar.
| Yer | N | Sürücü | Komanda | 1-ci sessiya | 2-ci sessiya | 3-cü sessiya | |||||
| Yer | Zaman | Dövrə | Yer | Zaman | Dövrə | Zaman | Dövrə | ||||
| 1 | 5 | Sebastyan Fettel | Ferrari | 2 | 1:12.538 | 6 | 4 | 1:12.505 | 3 | 1:11.212 | 7 |
| 2 | 77 | Valtteri Bottas | Mercedes AMG | 3 | 1:12.962 | 8 | 1 | 1:12.152 | 3 | 1:11.416 | 7 |
| 3 | 7 | Kimi Rəykkönen | Ferrari | 1 | 1:12.505 | 7 | 3 | 1:12.336 | 3 | 1:11.547 | 7 |
| 4 | 33 | Maks Ferstappen | Red Bull | 8 | 1:13.127 | 5 | 2 | 1:12.188 | 7 | 1:11.822 | 6 |
| 5 | 20 | Kevin Maqnussen | Haas | 7 | 1:13.105 | 8 | 5 | 1:12.523 | 4 | 1:12.200 | 6 |
| 6 | 8 | Roman Qrojan | Haas | 4 | 1:12.986 | 8 | 6 | 1:12.722 | 4 | 1:12.544 | 5 |
| 7 | 27 | Niko Hülkenberq | Renault | 12 | 1:13.479 | 5 | 7 | 1:12.946 | 6 | 1:12.560 | 6 |
| 8 | 55 | Karlos Sayns | Renault | 10 | 1:13.324 | 8 | 9 | 1:13.032 | 5 | 1:12.692 | 6 |
| 9 | 16 | Şarl Lekler | Sauber | 6 | 1:13.077 | 10 | 8 | 1:12.995 | 7 | 1:12.717 | 6 |
| 10 | 11 | Serxio Peres | Force İndia | 11 | 1:13.427 | 10 | 10 | 1:13.072 | 6 | 1:12.774 | 3 |
| 11 | 14 | Fernando Alonso | McLaren | 14 | 1:13.614 | 10 | 11 | 1:13.657 | 6 | ||
| 12 | 35 | Sergey Sirotkin | Williams | 15 | 1:13.708 | 10 | 12 | 1:13.702 | 3 | ||
| 13 | 9 | Markus Eriksson | Sauber | 13 | 1:13.562 | 10 | 13 | 1:13.736 | 7 | ||
| 14 | 44 | Lyuis Həmilton | Mercedes AMG | 5 | 1:13.012 | 8 | 14 | – | 0 | ||
| 15 | 3 | Daniel Rikkardo | Red Bull | 9 | 1:13.318 | 6 | 15 | – | 0 | ||
| 16 | 31 | Esteban Okon | Force İndia | 16 | 1:13.720 | 10 | |||||
| 17 | 10 | Pyer Qasli | Toro Rosso | 17 | 1:13.749 | 9 | |||||
| 18 | 28 | Brendon Hartli | Toro Rosso | 18 | 1:14.045 | 8 | |||||
| 19 | 18 | Ləns Stroll | Williams | 19 | 1:14.206 | 10 | |||||
| 20 | 2 | Stoffel Vandorn | McLaren | 20 | 1:14.401 | 10 | |||||
