Abu Dabi Qran Prisi: Yarış

Quru. Günəşli, sessiyanın sonu qaranlıq. Havanın temperaturu +30° C, trasın temperaturu +30° C Sebastyan Fettel Abu Dabiyə Fernando Alonso üzərində […]

Quru. Günəşli, sessiyanın sonu qaranlıq. Havanın temperaturu +30° C, trasın temperaturu +30° C

Sebastyan Fettel Abu Dabiyə Fernando Alonso üzərində 13 xal üstünlüklə gəlib. Sıralanma turunda almaniyalı sürücü üçüncü, ispaniyalı sürücü isə yeddinci olub. Amma finiş xəttini keçdikdən sonra Renault motorçuları Fettelə yanacaq sistemindəki problemlər üzündən maşını saxlamağı əmr ediblər – lakin FİA yanacaq çənindən təftiş üçün lazım olan 1 litr yanacağın əvvəzinə cəmi 0.85 litr maye çəkə bilib.

Uzunmüddətli müzakirələrdən sonra Qran Prinin stüardları Fettelin nəticəsini ləğv ediblər və protokollardan çıxarıblar, amma sürücü starta buraxılıb. Red Bull sürücüsünün maşınını bağlı parkdan götürərək üzərində işləməyi qərara alıb, ona görə də sürücü start düzlüyündən deyil, pit-leyndən start almalı olub. Mexaniklər isə RB8-in ötürmələr qutusunu, ön antiqanadın hücum bucağını və asılqanların konfiqurasiyasını dəyişiblər ki, sürücü asanlıqla hücum edə bilsin.

Dünən poulu Lyuis Həmilton qazanıb, onunla bərabər ilk cərgəyə Mark Uebber çıxıb. Arxada isə Maldonado və Rəykkönen, Batton və Alonso yerləşiblər. Şumaher, Senna və Fettel starta Medium tərkibini, digər sürücülər isə Soft tərkibini seçiblər. Pedro de la Rosa qızdırma dövrəsinə yollana bilmədiyi üçün pit-leyndən start almalı olub.

Startda Həmilton poulun üstünlüyünü qoruyub, Uebber ləngiyib, Rəykkönen və Maldonado onu keçiblər, uzun düzlükdə Alonso da avstraliyalı sürücünü arxada qoyub. Force İndia-nın hər iki sürücüsü, Senna və Peres, Qrojan və Rosberq təmas yaşayıblar, Hülkenberq mübarizəni dayandırıb, Qrojan və di Resta isə boksa yollanıblar və yeni təkər dəsti ilə trasa qayıdıblar. 2-ci dövrədə ilk onluq: Həmilton – Rəykkönen – Maldonado – Alonso – Uebber – Batton – Massa – Kobayaşi – Peres – Şumaher. Fettel 18-ci yerə yüksəlib.

Peleton uzanıb, Həmilton Rəykkönendən uzaqlaşmağa başlayıb. 9-cu dövrədə ciddi qəza baş verib – 17-ci döngədə Rosberq yavaşımış Kartikeyana çırpılıb, sürücülər zədələnməyiblər, trasa Təhlükəsizlik Maşını (TM) çıxıb. TM-in arxasında ilk onluq: Həmilton – Rəykkönen – Maldonado – Alonso – Uebber – Batton – Massa – Peres – Kobayaşi – Şumaher.

Vern, Qrojan və di Resta təkərlərini dəyişiblər. Fettel 12-ci yerə yüksəlib, amma təkərlərini qızdırmaqda olan Rikkardoya çırpılmaqdan qurtulmaq üçün tras kənarındakı plastik lövhəyə çırpılıb. Sebastyan sıradan çıxmış ön antiqanadını dəyişmək üçün boksa yollanıb və sonuncu yerə düşüb.

14-cü dövrədə restart elan olub. Həmilton liderliyini qoruyub və yenidən Rəykkönendən uzaqlaşmağa başlayıb. Fettel trasdan tam çıxmaqla Qrojanı keçib, amma mövqeyini geri qaytarıb və sonra tam qaydalara uyğun ötmə edib.

19-cu dövrədə yarışın lideri Həmiltonun maşınında motor gücünü itirib, Lyuis maşınını təhlükəsizlik zonasında saxlayıb – yarışa Rəykkönen başçılıq edib. Alonso Maldonadonu keçərək 2-ciliyə yüksəlib. 22-ci dövrədə Uebber Maldonadonu keçməyə cəhd edib, maşınlar toqquşublar, Mark yerində fırlanıb, bir neçə yer itirib, amma yarışı davam etdirib. Batton Maldonadonu keçərək 3-cülüyə yüksəlib. Peres də 5-ci yer uğrunda mübarizədə Massanı qabaqlayıb. 24-cü dövrədə ilk onluq: Rəykkönen – Alonso – Batton – Maldonado – Peres – Massa – Uebber – Kobayaşi – Şumaher – Fettel.

25-ci dövrədə Fettel Şumaheri keçib, Kobayaşi isə təkərlərini dəyişib. Uebber Massaya hücum edib, maşınlar toqquşub, Felipe yerində fırlanıb. Massa və Rikkardo boksa yollanıblar.

27-ci dövrədə Şumaher, 28-ci dövrədə Alonso, 29-cu dövrədə Batton və Maldonado, 30-cu dövrədə Peres və Uebber, 31-ci dövrədə isə Rəykkönen yeni təkər dəsti alıblar – finlandiyalı sürücü liderliyini qoruya bilib, rəqiblərinin pit-stopundan istifadə edən Fettel 2-ciliyə yüksəlib. 32-ci dövrədə Senna, 33-cü dövrədə Vern, 37-ci dövrədə Fettel mexaniklərinə qonaq olublar – almaniyalı sürücü trasa 4-cü yerdə qayıdıb.

38-ci dövrədə Qrojan, Peres və di Resta mövqe uğrunda gərgin mübarizə aparıblar, Peres Qrojanı keçib və döngəyə geniş daxil olub, trasa qayıdarkən Romana çırpılıb, arxadan sürətlə gələn Uebber də Romanla toqquşub. Nəticədə Uebber və Qrojan mübarizəni dayandırıblar, di Resta və Peres boksa yollanıblar, trasa ikinci dəfə TM çıxıb. Şumaherin təkəri deşilib, Pik mübarizədən kənar qalıb. Stüardlar isə Peresi insidnetdə günahkar bilərək boksada 10 saniyə gözləməklə cəzalandırıblar. TM-in arxasında ilk onluq: Rəykkönen – Alonso – Batton – Fettel – Maldonado – Kobayaşi – Massa – Senna – Vern – di Resta.

Restartda Rəykkönen liderliyini qoruya bilib, Batton Alonsoya, Fettel isə Batton hücu edib. Alonso təkərlərini qızdırdıqdan sonra Censondan uzaqlaşıb – britaniyalı sürücü 51-ci dövrəyə qədər Fettelin hücumlarına tab gətirib, amma ikiqat dünya çempionu önə keçə bilib.

Son dövrələrdə Alonso Rəykkönenlə fərqi azaltsa da, DRS məsafəsinə yaxınlaşa bilməyib və finladniyalı sürücü mövsümdə 1-ci, karyerasında isə 19-cu qələbəsini qazanıb. Kimi 2012-ci ildə qələbə qazanmış 8-ci sürücü olub. Titul uğrunda mübarizə isə daha da qızışıb – iki həftədən sonra Ostində debüt yarışında hər iki titulun sahibi müəyyən ola bilər…

Yer Pilot Komanda Motor Vaxt
01 K.Rəykkönen Lotus Renault 1.45:58.667
02 F.Alonso Ferrari Ferrari + 0:00.852
03 S.Fettel Red Bull Renault + 0:04.163
04 C.Batton McLaren Mercedes + 0:07.787
05 P.Maldonado Williams Renault + 0:13.007
06 K.Kobayaşi Sauber Ferrari + 0:20.076
07 F.Massa Ferrari Ferrari + 0:22.896
08 B.Senna Williams Renault + 0:23.542
09 P.di Resta Force İndia Mercedes + 0:24.160
10 D.Rikkardo Toro Rosso Ferrari + 0:27.463
11 M.Şumaher Mercedes AMG Mercedes + 0:28.075
12 J.E.Vern Toro Rosso Ferrari + 0:34.906
13 H.Kovalaynen Caterham Renault + 0:47.764
14 T.Qlok Marussia Cosworth + 0:56.473
15 S.Peres Sauber Ferrari + 0:56.768
16 V.Petrov Caterham Renault + 1:04.595
17 P.de la Rosa HRT Cosworth + 1:11.778
Ş.Pik Marussia Cosworth
R.Qrojan Lotus Renault
M.Uebber Red Bull Renault
L.Həmilton McLaren Mercedes
N.Kartikeyan HRT Cosworth
N.Rosberq Mercedes AMG Mercedes
N.Hülkenberq Force İndia Mercedes

Sürətli dövrə: Sebastyan Fettel (Red Bull) – 1:43.964 (54-cü dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 255
02 F.Alonso Ferrari Ferrari 245
03 K.Rəykkönen Lotus Renault 198
04 M.Uebber Red Bull Renault 167
05 L.Həmilton McLaren Mercedes 165
06 C.Batton McLaren Mercedes 153
07 F.Massa Ferrari Ferrari 95
08 N.Rosberq Mercedes AMG Mercedes 93
09 R.Qrojan Lotus Renault 90
10 S.Peres Sauber Ferrari 66
11 K.Kobayaşi Sauber Ferrari 58
12 N.Hülkenberq Force İndia Mercedes 49
13 P.di Resta Force İndia Mercedes 46
14 P.Maldonado Williams Renault 43
15 M.Şumaher Mercedes AMG Mercedes 43
16 B.Senna Williams Renault 30
17 J.E.Vern Toro Rosso Ferrari 12
18 D.Rikkardo Toro Rosso Ferrari 10
19 T.Qlok Marussia Cosworth 0
20 H.Kovalaynen Caterham Renault 0
21 V.Petrov Caterham Renault 0
22 J.D’Ambrozio Lotus Renault 0
23 Ş.Pik Marussia Cosworth 0
24 N.Kartikeyan HRT Cosworth 0
25 P.de la Rosa HRT Cosworth 0

Mühəndislər Kuboku:

Yer Komanda Motor Xal
01 Red Bull Renault 422
02 Ferrari Ferrari 340
03 McLaren Mercedes 318
04 Lotus Renault 288
05 Mercedes AMG Mercedes 136
06 Sauber Ferrari 124
07 Force İndia Mercedes 95
08 Williams Renault 73
09 Toro Rosso Ferrari 22
10 Marussia Cosworth 0
11 Caterham Renault 0
12 HRT Cosworth 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*

Abu Dabi Qran Prisi: Yarış

Quru. Günəşli. Yarışın sonu süni işıq altında. Havanın temperaturu +26° C, trasın temperaturu +31° C Keçənilki yarışda ötmələr olmadığı üçün […]

Quru. Günəşli. Yarışın sonu süni işıq altında. Havanın temperaturu +26° C, trasın temperaturu +31° C

Keçənilki yarışda ötmələr olmadığı üçün bu dəfə FİA DRS-dən istifadəyə iki zona ayırmışdı, dünən axşam isə birinci zonanı 75 metr uzatmışdı ki, mövqe uğrunda mübarizə sürücülərə asan başa gəlsin.

Startda Fettel liderliyini saxlayıb, amma ikinci döngədə arxa sağ təkəri partladığı üçün trasdan çıxıb, ikiqat dünya çempionu boksa qayıda bilsə də, mexaniklər asılqanın sınması ilə üzləşiblər. Həmilton liderliyi ələ alıb, Alonso startda Uebber və Battonu üstələyərək ikinciliyə yüksəlib. Uebber Battonu keçsə də, ikinci DRS zonasında Censon mövqeyini geri qayatar bilib.

Sürücülər arasında interval böyüyüb, 9-cu dövrədə Buemi di Restanı qabaqlayıb, amma şotlandiyalı sürücü ikinci DRS zonasında irəli çıxıb – FİA-nın iki ardıcıl ötmə zonası planlaşdırılan effekti verməyib. Sonuncu cərgədən start alan Williams sürücüləri 14-cü və 15-ci yerlərə yüksəliblər, amma yumşaq təkərlərlə trasda olan Kovalaynenin arxasında ilişib qalıblar.

16-cı dövrədə Masa və Algersuari, 17-ci dövrədə Həmilton, Alonso, Batton, Şumaher və Sutil, 18-ci dövrədə Uebber (mexaniklər bir qədər ləngiyiblər) və Rosberq ilk pit-stoplarını reallaşdırıblar.

Bueminin maşını sürətini itirib, Sebastyen boksa qayıda bilib və maşını tərk edib.

30-cu dövrədə Uebber Massanı keçib, amma braziliyalı sürücü də ikinci DRS zonasında mövqeyini geri qaytarıb. Maldonado və Senna mavi bayraqlara məhəl qoymadıqları üçün pit-leyndən keçməklə cərimə olunublar.

36-cı dövrədə Uebber daha bir yumşaq təkər dəsti alıb – avstraliyalı sürücünü pit-stopa daha bir səfər gözləyib. 37-ci dövrədə Batton və Sutil, 41-ci dövrədə Həmilton və Massa, 43-cü dövrədə Şumaher, 44-cü dövrədə Alonso sonuncu dəfə mexaniklərin qonağı olublar. Fernando yumşaq təkərlərlə trasda əlavə 3 dövrə qalsa da, trasa Lyuisin arxasında qayıdıb.

Uebber yumşaq təkərlərin hesabına Batton və Rosberqi keçib. 49-cu dövrədə Rosberq, 55-ci dövrədə isə Uebber bərk təkərlərə keçiblər.

Lyuis Həmilton mövsümdə 3-cü və karyerasında 17-ci qələbəsini qazanıb, amma Batton finiş xəttini 3-cü keçməklə komanda yoldaşını şəxsi hesabda üstələyib. Çempionatda ikinci yer uğrunda mübarizə isə mövsümün son yarışına qalıb. İki həftədən sonra San Pauluda mövsüm başa çatacaq…

Yer Pilot Komanda Motor Vaxt
01 L.Həmilton McLaren Mercedes 1.37:11.886
02 F.Alonso Ferrari Ferrari + 0:08.457
03 C.Batton McLaren Mercedes + 0:25.881
04 M.Uebber Red Bull Renault + 0:35.784
05 F.Massa Ferrari Ferrari + 0:50.578
06 N.Rosberq Mercedes GP Mercedes + 0:52.317
07 M.Şumaher Mercedes GP Mercedes + 1:15.964
08 A.Sutil Force İndia Mercedes + 1:17.122
09 P.di Resta Force İndia Mercedes + 1:41.087
10 K.Kobayaşi Sauber Ferrari + 1 dövrə
11 S.Peres Sauber Ferrari + 1 dövrə
12 R.Barrikello Williams Cosworth + 1 dövrə
13 V.Petrov Lotus Renault GP Renault + 1 dövrə
14 P.Maldonado Williams Coswort + 1 dövrə
15 X.Algersuari Toro Rosso Ferrari + 1 dövrə
16 B.Senna Lotus Renault GP Renault + 1 dövrə
17 H.Kovalaynen Team Lotus Renault + 1 dövrə
18 Y.Trulli Team Lotus Renault + 2 dövrə
19 T.Qlok Marussia Virgin Cosworth + 2 dövrə
20 V.Liutsi Hispania Cosworth + 2 dövrə
D.Rikkardo Hispania Cosworth
S.Buemi Toro Rosso Ferrari
J.D’Ambrozio Marussia Virgin Cosworth
S.Fettel Red Bull Renault

Sürətli dövrə: Mark Uebber (Red Bull) – 1:42.612 (51-ci dövrə).

Turnir cədvəli:

Yer Pilot Komanda Motor Xal
01 S.Fettel Red Bull Renault 374
02 C.Batton McLaren Mercedes 255
03 F.Alonso Ferrari Ferrari 245
04 M.Uebber Red Bull Renault 233
05 L.Həmilton McLaren Mercede 227
06 F.Massa Ferrari Ferrari 108
07 N.Rosberq Mercedes GP Mercedes 83
08 M.Şumaher Mercedes GP Mercedes 76
09 V.Petrov Lotus Renault GP Renault 36
10 N.Haydfeld Lotus Renault GP Renault 34
11 A.Sutil Force İndia Mercedes 34
12 K.Kobayaşi Sauber Ferrari 28
13 X.Algersuari Toro Rosso Ferrari 26
14 P.di Resta Force İndia Mercedes 23
15 S.Buemi Toro Rosso Ferrari 15
16 S.Peres Sauber Ferrari 14
17 R.Barrikello Williams Cosworth 4
18 B.Senna Lotus Renault GP Renault 2
19 P.Maldonado Williams Coswort 1
20 P.de la Rosa Sauber Ferrari 0
21 Y.Trulli Team Lotus Renault 0
22 H.Kovalaynen Team Lotus Renault 0
23 V.Liutsi Hispania Cosworth 0
24 J.D’Ambrozio Marussia Virgin Cosworth 0
25 T.Qlok Marussia Virgin Cosworth 0
26 N.Kartikeyan Hispania Cosworth 0
27 D.Rikkardo Hispania Cosworth 0
28 K.Çandhok Team Lotus Renault 0

Mühəndislər Kuboku:

Yer Komanda Motor Xal
01 Red Bull Renault 607
02 McLaren Mercedes 482
03 Ferrari Ferrari 353
04 Mercedes GP Mercedes 159
05 Lotus Renault GP Renault 72
06 Force İndia Mercedes 57
07 Sauber Ferrari 42
08 Toro Rosso Ferrari 41
09 Williams Cosworth 5
10 Team Lotus Renault 0
11 Hispania Cosworth 0
12 Marussia Virgin Renault 0

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*