Abu Dabi Qran Prisinə Pirelli .irkəti mövsümdə sonuncu dəfə Medium və Soft cütlüyünü gətirəcək. Pirelli Motorsport-un başçısı Pol Hembri hesab edir ki, titul uğrunda mübarizədə optimal strategiya həlledici faktor olacaq…
Pol Hembri: “Bizim Abu Dabi trası barədə həmişə xoş xatirələrimiz olub, axı, məhz bu trasda biz Formula1-ə qayıtmışıq: 2010-cu ildə Qran Pridən sonra məhz bu trasda keçirilən testlərdə komandalar bizim təkərlərlə rəsmən tanış oldular. Bu testləri hələ də unutmamışıq, Pirelli çempionata qayıdırdı və komandalar yeni təkərləri qiymətləndirməliydilər. Bundan sonra biz bir neçə dəfə Abu Dabiyə qayıtmışqı, elə bu mövsümün əvvəlində mətbuat üçün yeni təkərlərin təqdimatını da burada təşkil etmişdik.
Testlər üçün Abu Dabini seçməyimizin bir neçə səbəbi var: əvvəla, trasda təkərlərin effektliyinin müxtəlif aspektlərini yoxlamaq üçün zəruri hər bir şey var, ikincisi, avtodrom çox müasirdir və hər cür elektron texnika ilə təchiz olunub.
Biz bilirik ki, Medium və Soft cütlüyü Abu Dabidə əla işləyəcək. Komandalar trasın xarakteristikası barədə böyük məlumat toplayılar, ona görə də effektiv yarış strategiyası hazırlaya bilərlər.
Çempionatda hazırda sıx mübarizə gedir, ona görə də tam əminliklə deyə bilərəm ki, düzgün strategiya titulun taleyini həll edəcək. Abu Dabidə start mövqeyi də vacib əhəmiyyət kəsb edir, ona görə də şənbə günü bizi maraqlı mübarizə gözləyir.”