Quru. Günəşli. Havanın temperaturu +21° C, trasın temperaturu +31° C
2012-ci ilin sondan əvvəlki yarışını yeni Ostin trası qəbul edib. Sebastyan Fettel Texasa Fernando Alonso üzərində 10 xallıq üstünlüklə gəlib və dünən sıralanma turunda poul qazanıb – ispaniyalı sürücüsü isə yalnız 9-cu ola bilib.
Hərçənd, iki mövqeyi Alonso hələ starta qədər qazanıb – əvvəlcə Qrolan ötürmələr qutusunun dəyişdirilməsinə görə 5 yer itirib, bu gün səhər isə Ferrari komandası Massanın maşınında ötürmələr qutusunun plombunun sındıraraq Felipenin mövqeyini Fernandonun xeyrinə qurban verib, nəticədə Alonso 7-ci yerdən start alıb.
Yalnız Batton və Rosberq starta Hard təkərlərlə çıxıblar, digər sürücülər seçimlərinin Medium-un üzərində saxlayıblar.
Startda Fettel poulun üstünlüyünü saxlayıb, Uebber Həmiltonu qabaqlayıb, Alonso 4-cü yerə yüksəlib – ilk dördlük rəqiblərindən uzaqlaşmağa başlayıb. Hülkenberq, Qrojan, Rəykkönen və di Resta Şuemaheri qabaqlayıblar, 4-cü dövrədə Həmilton Uebberi keçərək mövqeyini geri qaytarıb: Fettel – Həmilton – Uebber – Alonso – Hülkenberq – Qrojan – Rəykkönen – di Resta – Şumaher – Massa.
7-ci dövrədə Qrojan 19-cu döngədə yerində fırlanıb, bir neçə mövqe itirən Romanın maşınında təkərlər sıradan çıxıb, ona görə də 9-cu dövrədə boksa yollanmalı olub. Geniş tras ötməyə imkan verib, ona görə də sürücülə mövqe urğunda fəal mübarizə aparıblar.
13-cü dövrədə Kobayaşi, 14-cü dövrədə Şumaher təkərlərini dəyişiblər – Vernin maşınında asılqanlar dözməyib və Toro Rosso sürücüsü mübarizəni dayandırıb. 17-ci dövrədə Hülkenberq pit-stop keçirib – Uebberin maşınında generator imtina edib. Fettel və Həmilton növbə ilə sürətli dövrələrə imza atıblar, Lyuis tədricən Sebə yaxınlaşıb, amma tezliklə britaniyalı sürücünün maşınında təkərlər effektliyini tam itirib və Seb təhlükəsiz məsafəyə uzaqlaşa bilib. 19-cu dövrədə ilk onluq: Fettel – Həmilton – Alonso – Rəykkönen – Massa – di Resta – Peres – Senna – Battaon – Rikkardo.
20-ci dövrədə Həmilton və Alonso təkərlərini dəyişiblər, Ferrari-nin boksunda arxa sağ təkərlər mexaniklər ləngiyiblər. 21-ci dövrədə Fettel pit-stopunu reallaşdırıb və yarışda liderliyini qoruya bilib. 22-ci dövrədə Peres, 24-cü dövrədə Rəykkönen, 26-cı dövrədə Massa mexaniklərinə qonaq olublar. Lotus mexanikləri ləngidikləri üçün Massa Rəykkönenin önündə trasa qayıdıb, amma növbəti dövrədə Kimi keçmiş komanda yoldaşını qabaqlayıb. 35-ci dövrədə Batton Medium təkərlərə keçib. 36-cı dövrədə ilk onluq: Fettel – Həmilton – Alonso – Rəykkönen – Massa – Qrojan – Batton – Hülkenberq – Senna – Maldonado.
Həmilton yavaş-yavaş Fettelə fərqi azaltmağa başlayıb – liderlər dövrələri fantsatik tempdə keçməyə davam ediblər. 38-ci dövrədə Batton Qrojanı qabaqlayıb, 39-cu dövrədə Massa Rəykköneni üstələyib. 42-ci dövrədə yarışın lideri dəyişib – dövrəvi sürücülər Fettelə mane olublar və DRS zonasında Həmilton onu keçə bilib. 45-ci dövrədə Batton Rəykköneni DRS-in köməyi ilə üstələyib. 46-cı dövrədə ilk onluq: Həmilton – Fettel – Alonso – Massa – Batton – Rəykkönen – Qrojan – Hülkenberq – Senna – Maldonado.
51-ci dövrədə Williams sürücüləri gərgin mübarizə ilə yadda qalıblar – Maldonado və Senna kiçik təmas yaşayıblar, Pastor önə keçə bilib, hər iki sürücü mübarizəni finişə qədər davam etdirib.
Lyuis Həmilton ABŞ-da ikinci ardıcıl qələbəsini qazanıb – karyerasında 21-ci, mövsümdə isə 4-cü qələbə. Titula iki namizəd isə podiuma qalxıblar. Titulun taleyi Braziliyada həll olunacaq. Mühəndislər Kubokunu isə üçüncü dəfə ardıcıl olaraq Red Bull komandası əldə edib.
Yer | Pilot | Komanda | Motor | Vaxt |
01 | L.Həmilton | McLaren | Mercedes | 1.35:55.269 |
02 | S.Fettel | Red Bull | Renault | + 0:00.675 |
03 | F.Alonso | Ferrari | Ferrari | + 0:39.229 |
04 | F.Massa | Ferrari | Ferrari | + 0:46.013 |
05 | C.Batton | McLaren | Mercedes | + 0:56.432 |
06 | K.Rəykkönen | Lotus | Renault | + 1:04.425 |
07 | R.Qrojan | Lotus | Renault | + 1:10.313 |
08 | N.Hülkenberq | Force İndia | Mercedes | + 1:13.792 |
09 | P.Maldonado | Williams | Renault | + 1:14.525 |
10 | B.Senna | Williams | Renault | + 1:15.133 |
11 | S.Peres | Sauber | Ferrari | + 1:24.341 |
12 | D.Rikkardo | Toro Rosso | Ferrari | + 1:24.871 |
13 | N.Rosberq | Mercedes AMG | Mercedes | + 1:25.510 |
14 | K.Kobayaşi | Sauber | Ferrari | + 1 dövrə |
15 | P.di Resta | Force İndia | Mercedes | + 1 dövrə |
16 | M.Şumaher | Mercedes AMG | Mercedes | + 1 dövrə |
17 | V.Petrov | Caterham | Renault | + 1 dövrə |
18 | H.Kovalaynen | Caterham | Renault | + 1 dövrə |
19 | T.Qlok | Marussia | Cosworth | + 1 dövrə |
20 | Ş.Pik | Marussia | Cosworth | + 2 dövrə |
21 | P.de la Rosa | HRT | Cosworth | + 2 dövrə |
22 | N.Kartikeyan | HRT | Cosworth | + 2 dövrə |
– | M.Uebber | Red Bull | Renault | – |
– | J.E.Vern | Toro Rosso | Ferrari | – |
Sürətli dövrə: Sebastyan Fettel (Red Bull) – 1:39.347 (56-cı dövrə).
Turnir cədvəli:
Yer | Pilot | Komanda | Motor | Xal |
01 | S.Fettel | Red Bull | Renault | 273 |
02 | F.Alonso | Ferrari | Ferrari | 260 |
03 | K.Rəykkönen | Lotus | Renault | 206 |
04 | L.Həmilton | McLaren | Mercedes | 190 |
05 | M.Uebber | Red Bull | Renault | 167 |
06 | C.Batton | McLaren | Mercedes | 163 |
07 | F.Massa | Ferrari | Ferrari | 107 |
08 | R.Qrojan | Lotus | Renault | 96 |
09 | N.Rosberq | Mercedes AMG | Mercedes | 93 |
10 | S.Peres | Sauber | Ferrari | 66 |
11 | K.Kobayaşi | Sauber | Ferrari | 58 |
12 | N.Hülkenberq | Force İndia | Mercedes | 53 |
13 | P.di Resta | Force İndia | Mercedes | 46 |
14 | P.Maldonado | Williams | Renault | 45 |
15 | M.Şumaher | Mercedes AMG | Mercedes | 43 |
16 | B.Senna | Williams | Renault | 31 |
17 | J.E.Vern | Toro Rosso | Ferrari | 12 |
18 | D.Rikkardo | Toro Rosso | Ferrari | 10 |
19 | T.Qlok | Marussia | Cosworth | 0 |
20 | H.Kovalaynen | Caterham | Renault | 0 |
21 | V.Petrov | Caterham | Renault | 0 |
22 | J.D’Ambrozio | Lotus | Renault | 0 |
23 | Ş.Pik | Marussia | Cosworth | 0 |
24 | N.Kartikeyan | HRT | Cosworth | 0 |
25 | P.de la Rosa | HRT | Cosworth | 0 |
Yer | Komanda | Motor | Xal |
01 | Red Bull | Renault | 440 |
02 | Ferrari | Ferrari | 367 |
03 | McLaren | Mercedes | 353 |
04 | Lotus | Renault | 302 |
05 | Mercedes AMG | Mercedes | 136 |
06 | Sauber | Ferrari | 124 |
07 | Force İndia | Mercedes | 99 |
08 | Williams | Renault | 76 |
09 | Toro Rosso | Ferrari | 22 |
10 | Marussia | Cosworth | 0 |
11 | Caterham | Renault | 0 |
12 | HRT | Cosworth | 0 |