F-1.az xəbər verir ki, Honda-nın ispaniyalı sürücüsü Mark Markes cümə günündən başlayan həftəsonunun bütün sessiyalarına başçılıq edib və sıralanma turunda gərgin mübarizədən sonra mövsümdə əsas rəqiblərini qabaqlayıb.
Mark elə ilk cəhdində poul kökləndiyini göstərib və Lorensonu yarım saniyə, Rossini isə bir saniyədən çox üstələyib.
İkinci cəhdində Lorenso sürətini artıraraq sektorlar üzrə Markesi qabaqlasa da, yekunda həmyerlisinə cəmi 0.069 saniyə uduzub. Rossi də ikinci cəhdində sürətini artırıb, amma yenə də liderə yarım saniyə uduzub.
Markesin özü isə son cəhdində şəxsi qrafikini sektorlar üzrə üstələsə də, son sektorda səhvə yol verib. Amma ilk cəhdindəki nəticə karyerasında 32-ci poulunu qazanmağa kifayət edib.
Ducati-nin sürücüsü Andrea Yannone 4-cü nəticə göstərsə də, əvvəlki yarışda komanda yoldaşı ilə toqquşmaya görə startda 3 yer itirməli olacaq. Onun yerindən Suzuki-nin sürücüsü Maverik Vinyales start alacaq. Maveriklə yanaşı ikinci cərgədə LCR Honda-nın sürücüsü Kel Kratçlou və Ducati-nin digər sürücüsü Andrea Davitsiozo yer alacaqlar.
Yarış bu gecə, Bakı vaxtı ilə saat 23:00-da başlayacaq…
| Yer | Sürücü | Komanda | Motosiklet | Zaman |
| 1 |  Mark Markes |
Repsol Honda Team | Honda RC213V | 2:03.188 |
| 2 | Xorxe Lorenso |
Movistar Yamaha MotoGP | Yamaha YZR-M1 | 2:03.257 |
| 3 |  Valentino Rossi |
Movistar Yamaha MotoGP | Yamaha YZR-M1 | 2:03.644 |
| 4 | Maverik Vinyales |
Team Suzuki ECSTAR | Suzuki GSX-RR | 2:04.247 |
| 5 |  Kel Kratçlou |
LCR Honda | Honda RC213V | 2:04.265 |
| 6 | Andrea Dovitsiozo |
Ducati Team | Ducati Desmosedici GP16 | 2:04.339 |
| 7 | Andrea Yannone |
Ducati Team | Ducati Desmosedici GP16 | 2:03.913 |
| 8 | Dani Pedrosa |
Repsol Honda Team | Honda RC213V | 2:04.379 |
| 9 | Aleş Esparqaro |
Team Suzuki ECSTAR | Suzuki GSX-RR | 2:04.408 |
| 10 | Skott Reddinq |
Octo Pramac Yakhnich | Ducati Desmosedici GP15 | 2:04.485 |
| 11 | Brədli Smit |
Monster Yamaha Tech 3 | Yamaha YZR-M1 | 2:04.988 |
| 12 |  Loris Baz |
Avintia Racing | Ducati Desmosedici GP14 | 2:05.159 |
| 13 | Pol Esparqaro |
Monster Yamaha Tech 3 | Yamaha YZR-M1 | 2:04.867 |
| 14 | Hektor Barbera |
Avintia Racing | Ducati Desmosedici GP14 | 2:04.944 |
| 15 |  Yucin Laverti |
Aspar Team MotoGP | Ducati Desmosedici GP14 | 2:05.425 |
| 16 |  Ştefan Bradl |
Aprilia Racing Team Gresini | Aprilia RS-GP | 2:05.625 |
| 17 | Mekele Pirro |
Octo Pramac Yakhnich | Ducati Desmosedici GP15 | 2:05.702 |
| 18 |  Yonni Hernandes |
Aspar Team MotoGP | Ducati Desmosedici GP14 | 2:06.029 |
| 19 | Alvaro Bautista |
Aprilia Racing Team Gresini | Aprilia RS-GP | 2:06.049 |
| 20 | Esteve Rabat |
Estrella Galicia 0,0 Marc VDS | Honda RC213V | 2:06.562 |
