16 Noyabr 2018, Cümə - 07:45

ABŞ-2018: Yarış

ABŞ-2018: Yarış

Müəllif: Rəhim N.Əliyev, baş redaktor

00:07 - 22 Oktyabr, 2018

Lyuis Həmilton mövsümdə ardıcıl 4 qələbə qazandıqdan sonra 4 il ardıcıl qələbə qazandığı ABŞ Qran Prisinə Sebastyan Fettel üzərində 67 xallıq üstünlüklə gəlib – britaniyalı sürücünün rəqibindən 8 xal çox qazanması artıq Ostində titul qazanması üçün yetərli idi. İstənilən başqa nəticə çempionatın taleyini növbəti yarışadək təxirə salırdı…

F-1.az bildirir ki, cümə günü məşqləri yağış altında baş tutub – hər iki məşqin protokollarına Həmilton başçılıq edib, Fettel isə qırmızı bayraqlar altında sürətini kifayət qədər azaltmadığı üçün yarışın startında 3 yer itirmək cəzası alıb.

Dünən səhər hava yaxşılaşıb, sürücülər sliklərin effektivliyini ancaq birsaatlıq məşqlərdə dəyərləndirə biliblər – protokollarda ilk sətrləri Ferrari sürücüləri tutublar, amma bütün sürücülər üçün uzun məsafədə təkərlərin işləməsi naməlum qalıb.

Pirelli Ostinə UltraSoft, SuperSoft və Soft tərkiblərini gətirib. Sıralanma turunda mübarizə sıx alınıb. Ferstappen ilk sessiyada asılqanını sındırdığı üçün mübarizədən kənar qalıb və 15-ci yerdən start almalı olub, amma sonra onun maşınında ötürmələr qutusu da dəyişdirildiyi üçün daha 5 yer itirməli olub.

İkinci sessiyada Həmilton, Bottas, Fettel və Rikkardo daha bərk olan SuperSoft tərkibini seçiblər ki, yarışda da bu təkərlərlə start alsınlar. Son sessiyada Həmilton mövsümdə 9-cu poulunu qazanıb – britaniyalı sürücü Fetteli cəmi 0.061 saniyə üstələyib.

Həmilton və Rəykkönen ilk cərgədən start alıblar – Rəykkönen ilk beşlikdə asfaltla daha yaxşı ilişməni təmin edən UltraSoft-la start alan yeganə sürücü olub. Bottas və Rikkardo ikinci cərgədə yer alıblar. Cərimələnmiş Fettel və Okon isə yarışa 3-cü cərgədən yollanıblar. Hər iki Toro Rosso sürücüsü güc qurğusunun elementlərini dəyişdirdiyi üçün Ferstappen 18-ci yerdən start almalı olub.

Startda gözlənildiyi kimi Rəykkönen Həmiltonu qabaqlayıb və liderliyi ələ alıb. Fettel Rikkardoya hücum edib – kiçik təmas nəticəsində almaniyalı sürücü yerində fırlanıb və sonuncu yerlərə düşüb. Stroll Alonsoya, Qrojan isə Leklerə çırpılıb. Bir neçə dövrədən sonra Stroll pit-leyndən keçmək cəzası alıb. Sayns trasdan kənara çıxmaqla üstünlük qazanıb və mövqeyini geri qaytarmadığı üçün 5 saniyəlik cəza alıb.

İlk dövrədəki insidentlərdən sonra 4 sürücü boksa üz tutub, Alonso isə mübarizəni dayandırıb. 2-ci dövrənin sonunda ilk onluq: Rəykkönen – Həmilton – Bottas – Rikkardo – Hülkenberq – Sayns – Okon – Peres – Ferstappen – Maqnussen.

Fettel də sürətlə irəliləyib və 4-cü dövrədə ilk onluğa düşüb, Ferstappen isə bu zaman artıq 7-ciliyə yüksəlib. 7-ci dövrədə Ferstappen Hülkenberqi, Fettel isə Okonu arxada qoyub.

9-cu dövrədə Daniel Rikkardonun maşını güc itirdiyi üçün trasda dayanıb. Onun təxliyəsi üçün virtual təhlükəsizlik maşını rejimi elan olunub. 10-cu dövrədə ilk onluq: Rəykkönen – Həmilton – Bottas – Ferstappen – Hülkenberq – Fettel – Sayns – Okon – Peres – Maqnussen.

11-ci dövrədə Sirotkin, Vandorn, Qasli, Lekler və Stroll boksa yollanıb. 12-ci dövrədə mühəndisi ilə məsləhətləşən Həmilton da yeni təkər dalınca yollanıb – britaniyalı sürücü komanda yoldaşının arxasında trasa qayıdıb.

Bir dövrə sonra yarışa restart verilib və Bottas komanda yoldaşını irəli buraxıb. Lyuis süərtini artırıb və Rəykkönenlə fərqi azaldıb. 21-ci dövrədə rəqibinə çatan Lyuis bir neçə hücum edib, bütün hücumları uğurla dəf edən Kimi 23-cü dövrədə mexaniklərinin qəbuluna üz tutub. Onun ardınca Ferstappen və Okon, daha sonra Bottas və Hülkenberq də yeni təkərlərə keçiblər.

Rəykkönen trasa komanda yoldaşının arxasında qayıdıb və Fettel yeni təkərlərlə olan finlandiyalı sürücünü irəli buraxıb.

25-ci dövrədə Sayns, daha sonra Peres, 27-ci dövrədə isə Fettel pit-stop reallaşdırıblar. 32-ci dövrənin sonunda ilk onluq: Həmilton – Rəykkönen – Ferstappen – Bottas – Fettel – Hülkenberq – Sayns – Okon – Maqnussen – Peres.

32-ci dövrədə Lekler boksda maşınını saxlayaraq mübarizəni dayandırıb. 38-ci dövrədə Həmilton 2-ci dəfə pit-stop edib – bu dəfə britaniyalı sürücü 4-cü yerdə, Bottasla Fettelin arasında trasa qayıdıb. Bottas növbəti dəfə komanda yoldaşını irəli buraxıb. 45-ci dövrənin sonunda ilk onluq: Rəykkönen – Ferstappen – Həmilton – Bottas – Fettel – Hülkenberq – Sayns – Okon – Maqnussen – Peres.

Finişə 6 dövrə qalmış ilk üçlüyü cəmi 2.5 saniyə ayırıb, amma sürət fərqi real ötmə üçün yetərli olmayıb. Bir qədər arxada isə Fettel 4-cü yer uğrunda mübarizədə Bottasa hücumlara başlayıb.

54-cü dövrədə Həmilton təkərləri yeyilmiş Ferstappenə hücum edib, təkər-təkərə mübarizədə Maks öndə qala bilib. 55-ci dövrədə Fettelin Bottasa hücumu uğurlu olub.

Kimi Rəykkönen Ostində finiş xəttini birinci keçərək mövsümdə birinci, karyerasında isə 21-ci qələbəsini qazanıb. Maks Ferstappen 18-ci yerdən start aldığı yarışı 2-ci yerdə başa vurub. Lyuis Həmilton iki pit-stop etdiyi yarışı podiumda, əsas rəqibi Fettelin önündə başa vuraraq üstünlüyünü 70 xala çatdırıb.

Çempionatın müqəddaratı isə gələn həftə baş tutacaq Meksika Qran Prisində həll oluna bilər…

YerNSürücüKomandaZaman/FərqPit
17Kimi RəykkönenFerrari1:34:18.6431
233Maks FerstappenRed Bull+ 0:01.2811
344Lyuis HəmiltonMercedes+ 0:02.3422
45Sebastyan FettelFerrari+ 0:18.2221
577Valtteri BottasMercedes+ 0:24.7441
627Niko HülkenberqRenault+ 1:27.2101
755Karlos SaynsRenault+ 1:34.9941
31Esteban OkonRacing Point+ 1:39.2881
20Kevin MaqnussenHaas+ 1:40.6571
811Serxio PeresRacing Point+ 1:41.0801
928Brendon HartliToro Rosso+ 1 dövrə1
109Markus ErikssonSauber+ 1 dövrə1
112Stoffel VandornMcLaren+ 1 dövrə2
1210Pyer QasliToro Rosso+ 1 dövrə2
1335Sergey SirotkinWilliams+ 1 dövrə2
1418Ləns StrollWilliams+ 2 dövrə3

* Esteban Okon və Kevin Maqnussen protokollardan xaric ediliblər

Sürətli dövrə: Lyuis Həmilton (Mercedes) — 1:37.392 (40-cı dövrə, 203.783 km/saat).

MÜBARİZƏNİ DAYANDIRANLAR:

SürücüKomandaDövrəSəbəb
Fernando AlonsoMcLaren1qəza
Roman QrojanHaas2qəza
Daniel RikkardoRed Bull8elektronika
Şarl LeklerSauber31mexaniki problemlər

SÜRÜCÜLƏRİN ÇEMPİONATI:

YerNSürücüÖlkəKomandaXal
144Lyuis HəmiltonMercedes AMG Petronas Motorsport346
25Sebastyan FettelScuderia Ferrari276
37Kimi RəykkönenScuderia Ferrari221
477Valtteri BottasMercedes AMG Petronas Motorsport217
533Maks FerstappenAston Martin Red Bull Racing191
63Daniel RikkardoAston Martin Red Bull Racing146
727Niko HülkenberqRenault Sport Formula 1 Team61
811Serxio PeresRacing Point Force İndia57
920Kevin MaqnussenHaas F1 Team53
1014Fernando AlonsoMcLaren F1 Team50
1131Esteban OkonRacing Point Force İndia49
1255Karlos SaynsRenault Sport Formula 1 Team45
138Roman QrojanHaas F1 Team31
1410Pyer QasliRed Bull Toro Rosso Honda28
1516Şarl LeklerAlfa Romeo Sauber F1 Team21
162Stoffel VandornMcLaren F1 Team8
179Markus ErikssonAlfa Romeo Sauber F1 Team7
1818Ləns StrollWilliams Martini Racing6
1928Brendon HartliRed Bull Toro Rosso Honda4
2035Sergey SirotkinWilliams Martini Racing1

MÜHƏNDİSLƏR KUBOKU:

YerKomandaMotorXal
1Mercedes AMG Petronas MotorsportMercedes563
2Scuderia FerrariFerrari497
3Aston Martin Red Bull RacingRenault337
4Renault Sport Formula 1 TeamRenault106
5Haas F1 TeamFerrari84
6McLaren F1 TeamRenault58
7Racing Point Force İndiaMercedes47
8Red Bull Toro Rosso HondaHonda32
9Alfa Romeo Sauber F1 TeamFerrari28
10Williams Martini RacingMercedes7

Son Xəbərlər

İnformasiya

Bölüm Xəbərlər
Mənbə
Baxış Sayı 286
Teqlər , , , , ,
Paylaş

logo